Mîdye Miqted

 

ŞEHBA - Dayîkê Aştîye yê Efrînî yê bi rayîr ra şîyayîşê Şehbaye, tecrîdê serê Rayberê PKKyî Abdullah Ocalanî şermizar kerdî wina vatî: "Ma azadîya Rayberê xo wazenê. Ganî rêxistinê merdimîye wayîrê wezîfeyê xo bivejê û Rayberê ma azad bikerê û ganî timî payan ser de bibê ke ma azadîya Rayberê xo meşru bikerê.” 

 

 Herêma Şehbaye seba şermizarkerdişê tecrîdê girankerde yê serê Rayberê PKKyî Abdullah Ocalanî de Dayîkê Aştîye tewrê çalakîya rayîr ra şîyayîşî bîyî. Rayîr ra şîyayîş Raşteyê Serdemî de dest pêkerd û Parka 4ê Nîsane de peynî bî. Dayîkê Aştîye yê ke tewrê rayîr ra şîyayîşî bîyî reaksîyon mojnayî û nêrazîbîyayîşê xo yê vera tecrîdê girankerde yê serê Rayberê PKKyî Abdullah Ocalan mojnayî û vatî ke heta ke Abdullah Ocalan azad nêbo ê do fek çalakîyê xo ra nêverdê. 

 

Rayaumûmî bêveng o 

 

Dayîka Aştîye Asîya Ebdoye bale ant serê bêvengîya rayaumûmîye, rêxistinê heqanê merdiman û wina vat: “Ma bi nameyê Dayîkê Aştîye tecrîdê girankerde yê serê Rayberê xo, şermizar kenê û wazenê ke vengê ma bireso rayaumûmî ya pêroyî. Qey heta roja ma ya ewro rêxistinê heqê merdiman derheqê hêriş û tecrîdê serê ma û serê Rayberê ma de bêveng mendî? Qey heqê merdiman nîno pawitiş?”

 

 'Ma wazenê Rayberê ma bêro azadkerdiş’ 

 

Asîyaye bale ant serê azadkerdişê Rayberê PKKyî Abdullah Ocalanî û wina dewam kerd: “Ma tena waştişê peynîardişê tecrîdî nêkenê, ma azadîya Rayberê xo zî wazenê. Ma wazenê zîndan ra bêro verdayîş. Çike Rayberê ma tena seba şarê kurd azadî û aştîye nêwazeno. Rayberê ma seba azadîya şaranê Rojhelatê Mîyanenî yê pêroyî têkoşîn keno û xover dano.”

 

'Lazim o CPT bi wezîfeyê xo wurzo' 

 

Peynîya qiseykerdişê xo de Asîya venga rayaumumî kerd û nê çî vat: "Vengdayîşê ma rayaumumî û CPT ra esto ke agahîyêk Rayberê ma ra bîyaro ke aştî dinya rê vila bibo. Ma sey Dayîkê Aştîye, şer nêwazenê, ma aştîye wazenê û do têkoşînê ma timî dewam bikero. Ma do her wext serê lingan de bê heta ke Rayberê ma bêro azadkerdiş."

 

 'Lazim o rêxistinê merdimayî bi wezîfeyê xo wurzê’ 

 

Dayîka Aştîye Selwa Ehmed zî tecrîd şermezar kerd û wina vat: "Bi 24 serrî yo Rayberê ma mîyanê zîndanî de xo ver dano. Ma seke Dayîkê Aştîye bi şîdet nê tecrîdî şermezar kenê. Rayberê ma çi sûc kerdo? Ma azadîya Rayberê xo wazenê. Lazim o rêxistinê merdimayî bi wezîfeyê xo wurzê û Rayberê ma azad bikerê û ma tim serê lingan de bê heta ke ma azadîya Rayberê xo qetî kenê."