AMED - Parlamentera Partîya Çep a Keske ya Şirnexî Newroz Uysale seba startê Kampanyaya TJAye ke do Şirnex de siba bêro dayîş venga tewrbîyayîşî kerd.

 

Têgêrayîşê Cinîyê Azade (TJA) startê kampanyaya ke bi sloganê “Bi Jin Jiyan Azadiyê reyde, ver bi Azadîye ra” do siba Şirnex de bêro dayîş. Kampanyaya ke do 6 aşman dewam bikera, vera qirkerdişê cinî û xozaye, polîtîkayê şerê taybet û tecrîdî de do bêra rayraberdiş. 

 

Parlamentera Partîya Çep a Keske ya Şirnexî Newroz Uysale derheqê kampanyaye de qisey kerd.

 

'Kampanya vera şîdeto ke bi cinîyan yeno kerdiş de ya’ 

 

Parlamentera Çep a Keske ya Şirnexî Newroz Uysale destpêkerdişê qiseykerdişê xo de dîyar kerd ke sebebê weçînayîşê bajarê Rihaye yê seba eşkerakerdişê deklerasyonî no yo ke cayê dadîrabîyayîşî yê Rayberê PKKyî Abdullah Ocalanî yo. Newroze ard ziwan ke serrgêra qetilkerdişê Jîna Emînîye û yadkerdişê aye û globalbîyayîşê sloganê “Jin Jiyan Azadî” badê Deklerasyonî kampanyaya Rihaye do Şirnex de zî siba Startê Kampanyaye ke do 6 aşman dewam bikera ya bi sloganê “Bi Jin Jiyan Azadiyê reyde, ver bi Azadîye ra” do siba Şirnex de bêro dayîş. Newroze wina vat: “Na kampanya hem seba problemê cinîyan yê mîyanê têkoşînê azadîya cinîyan de yeno ciwîyayîş, hem seba şîdetê ekonomî, fîzîkî, psîkolojî ke mîyanê komelî de bi cinîyan yeno kerdiş û hem zî seba têkoşînê demokrasîya şarê kurdî ke yeno rayraberdiş a. ma sey înan sernameyan xeylê sernameyanê bînan zî dîyar kerd.” 

 

Felsefeya 'Jin jiyan Azadî' 

 

Newroze qiseykerdişê xo de bale ant serê tecrîdê serê Rayberê PKKyî Abdullah Ocalanî û da zanayîş ke sernameyê tewr muhîm ê kampanyaya azadîya fîzîkî ya Rayberê PKKyî Abdullah Ocalanî ya. Newroze da zanayîş ke kampanyaya înan do bi kampanyaya dinyaye ya seba wedaritişê tecrîdî hempar bêra rayraberdiş û wina dewam kerd: “Bi na kampanyaye reyde ma do xo biresnê yewbînan û bi taybetî zî ma do bi cinîyan reyde rayra şêrê. La amacê esasî no yo ke felsefeya ‘Jin jiyan azadÎ’ reyde do seba wedaritişê tecrîdî têkoşîn bikerê û bi na felsefeye reyde ma do seba azadîya şarê kurd, têkoşînê demokrasî û kede bidê. Na çarçewa de xeylê çalakîyê ma yê bi serkêşîya cinîyan bêra viraştiş.”

 

Komplo û destpêkerdişê hêrişanê serê Rojawanî

 

Newroze dewamê qiseykerdişê xo de dîyar kerd ke kampanyaya înan bi tena eşkerayî, deklerasyon û mîtîngan nêba û do açarîya xebatê rêxistinî. Newroze ard ziwan ke xebatê kampanyaye do dewe û taxan de 6 aşman bi xeylê çalakîyan bêra kerdiş. Newroze da zanayîş ke mîyanê 6 aşman de do çalakîyê taybet zî bêrî kerdiş û înan ra ê yewine zî Komployo ke 9ê Teşrîna Verêne de ame kerdiş o. Newroze wina vat: “9ê Teşrîna Verêne hem destpêkê Komployê mîyanneteweyî û hem zî seba têkoşînê azadîya Rojawanî ya. Eynî wext de zî tarîxê destpêkerdişê hêrişê Rojawanî ya.” 

 

Seba tewrbîyayîşê eşkerayîya Şirnexî veng 

 

Newroze qiseykerdişê xo yê peyênan de ca da sebebê startê ke do sere de Şirnex û dima ra zî do Stenbol de bêro dayîş û ard ziwan ke seba baleantiş û cewabdayîşê polîtîkayê şerê taybetî ke Kurdistan de yeno rayraberdiş Şirnex û Stenbol de ameyî weçînayîş. Newroze dîyar kerd ke polîtîkayê şerê taybet, bi taybetî serê cinîyê ciwanan de sey caardişê, fuhuş û xeylê metodê bînan yeno rayraberdiş. Newroze qiseykerdişê xo yê peyênan de wina vat: “Şirnex seba îlegalîzekerdişê şdîetê serê cinîyan komele yenê awankerdiş û şîdeto ke bi destê selahîyetdaranê dewlete bi hovanî yeno kerdiş, bê ceza yenê verdayîş. Coka ra startê yewine ê kampanyaye Şirnex de do bêro dayîş. Ez venga cinîyê Şirnexî kena ke tewrê eşkerayîya startî ke do bêro dayîş bibê û tewrê rayîr ra şîyayîşî bibê.”