KOCAELÎ - Qezaya Karamurselî de O.O.ya ke dikanê fotografî de şuxulîyayîne, rastê teşebusê hêrişê cinsî yê camêrdo bi nameyê M.D.yî ameye û bi bahaneyê “îfadeyê şahidîyê şikinî” bi kontrolê edlî serbest ame veradayîş.

 

Qezaya Karamurselî ya Kocaelî de cinîya bi nameyê O.O.ye dikanê fotografî şuxulnena, 18 êlule de rastê hêrişê cinsî yê M.D.yo ke waşt fotograf bianco, ameye. O.O.ye dimayê kerdox rema, gerre kerd.

 

Serbest veradîya!

 

Kerdox M.D.yo ke destbend bi, dimayê karê temamkerdişî yê emnîyetî, sewqê Edlîyeyê Karamurselî bi. Dozgerî bi waştişê tepiştişî M.D. sewqê mehkema kerd. Heyetê mehkema dimayê goşdarîkerdişê şahidan “îfadeyê şahidan şikinê” sebeb mojna û bi şertê kontrolê edlî qerarê serbest veradayîşî da.