Rabîa Onver

 

COLEMÊRG - Colemêrg û qezayanê ci de 9 aşmanê peyênan de 9 cinîyî bi hawayêkê şikin dinyaya xo bedilnayî. Derheqê mergê cinîyan de xeylê reyna tehqîqat nêame akerdiş û dosyayê ke ameyî akerdiş zî ameyî girewtiş. Kurdistan û Tirkîya de qetilkerdişê cinîyan resayo merheleyê qirkerdişî û muhakeme zî bi qerarê ke dana paştîdayîş dana kerdoxan. 

 

Polîtîkayê şerê taybet yê vera cinîyan dewam keno û hema hema her roje şîdetê fîzîkî, cînsî, psîkolojîk û ekonomîye bi cinîyan yeno kerdiş. Heto bîn de dayeyê ke serê çapemenîye ra vejîyenê şenik yenê mojnayîş û mergê şikinan yê cinîyan zî sey întîxarî yenê mojnayîş û serê qewimîyayîşî yeno girewtiş. Sewbîna polîtîkayê bêcezaverdayîşî vera û sewbîna zî rewşa baş vera fînayîşê cezaye, şîdetê serê cinîyan yeno meşrukerdiş. 

 

Goreyê dayeyê aşma êlule ya 2022yî yê Convention on the Organisation for Economic Co-operation and Development (OECD) ke bi 37 welatê mîyanneteweyî reyde xebetîyeno; welato ke tewr zêde tede şîdet bi cinîyan yeno kerdiş Tirkîya yo. Tirkîya sey sey welatê OECDyî babeta şîdetê serê cinîyan de se ra 38 bî yewine welato ke şîdet bi cinîyan kerda. Dimayê Tirkîya Kolombîya se ra 37.4, Kosta Rîka se ra 36 yenê. Tirkîya serra peyêne de Colemêrg û qezayanê ci de kiştişê cinîyan û mergê şikinî yê cinîyan zêde benî. 

 

Ajansê ma dayeyê 9 aşmanê peyênan ê serre arê da. Goreyê dayeyanê 9 aşman 9 cinî bi hawayêkê şikin dinyaya xo bedilnayî. Colemêrg de mergê şikin ê cinîyan winayo:

 

*20ê Çeleyî de Çelê ya Colemêrgî de dewa Gêmanî de cinîya bi nameyê Z.T.ye ya 32 serrî bi hawayêkê şikin dinyaya xo bedilnaye. 

 

*24ê Çeleyî de Colemêrg de cinîya bi nameyê Muhbet Gurbet Cerene keyeyê xo de bi hawayêkê şikin dinyaya xo bedilna.

 

*5ê Adare de bajarokê Kirikagî yê Colemêrgî de Zîlan Turane ya 20 serrî bi hawayêk şikin dinyaya xo bedilna.

 

 *18ê Adare de taxa Daggolî ya Colemêrgî de wendekara unîversîtee V.Y.ye ya 21 serrî bi hawayêkê şikin dinyaya xo bedilnaye.

 

 *18ê Gulane de taxa Sumbulî ya Colemêrgî de cinîya bi nameyê Mîran Alturke ya ke tena ciwîyayêne keyeyê xo de bi hawayêkê şikin dinyaya xo bedilnaye. 

 

*28ê Gulane de taxa Blakî ya Colemêrgî de cinîya bi nameyê Tulay Yaşare bi hawayêkê şikin dinyaya xo bedilnaye. 

 

 *16ê Hezîrane de taxa Bulakî ya Colemêrgî de Asmîn K.Y.ye ya 23 serrî bi hawayêkê şikin dinyaya xo bedilnaye.

 

 *5ê êlule de qezaya Şemzînanî ya Colemêrgî de taxa Karşiyakaye de cinîya bi nameyê Kejê S.ye ya 23 serrî bi hawayêkê şikin dinyaya xo bedilnaye.

 

 *11ê êlule de qezaya Şemzînanî ya Colemêrgî de cinîya binameyê Şîlan Atîse bi hawayêkê şikin dinyaya xo bedilnaye.