MERKEZÊ XEBERAN - Kongra Starî derheqê endama KJARî Werîşe Mûradîye ya ke hetê îstîxbaratê Îranî ra ameye remnayîş de eşkerayîyêke nuşteyî da û veng da rêxistinê heqanê merdiman ke derheqê babete de bikewê mîyanê têgêrayîşî. 

 

Kongra Star seba endama Komeleya Cinîyên Azade ya Rojhelatê Kurdistanî (KJAR) Werîşe Mûradîya ke 1ê Tebaxe de hetê îstixbaratê Îranî ra ameybî remnayîş de eşkerayîyêke nuşteyî da. 

 

Eşkerayîye de ame vatiş ke serewedarnayîşê şaranê Îranî ke dormeyê felsefeya ‘Jin, Jiyan, Azadî’ de gur bî heme dinya de veng da û wina ame vatiş ke têkoşînê ke şaranê azadîwaştoxan hêvî dayêne, bîyo hedefê hukmatî. 

 

Kongra Star dewamê eşkerayîye de wina vat: “Rejîmê Îslamî yê Îranî nêeşkeno hemverê xoverdayîşê cinîyan de vindero. Têkoşîno ke bi sloganê ‘Jin, Jiyan, Azadî’ heme dinya de tesîrêk gird viraşt û têkoşîno ke seba şaranê azadîwaştoxan bî hêvî, bî hedefê hukmatî. Aqûbetê Endama Komeleya Cinîyê Azade ya Kurdistanî (KJAR) Werîşe Mûradîye ke 1ê Tebaxa 2023yî de hetê hêzê rejîmê Îranî ra ameye remnayîş, heta niha dîyar nêbîyo. Remnayîşê endamêk KJARî ke xebatê siyasî û rêxistinî rayîr ra bena, keye û dezgehê ke tede xebetîyayêne, keno mîyanê fikaran. Na rewşe goreyê huqûqê mîyanneteweyî û heqanê merdiman vera heqanê cinîyan de ya. Weşîya Werîşe Mûradî û rewşa bêqanûnîye ke ci reyde rî bi rî menda ra dezgehê eleqedar berpirsîyar ê. 

 

Sey Kongra Starî ma nê caardişan û metodê teberêmerdimîye şermezar kenê. Ma venga hetanê berpirsîyar, Neteweyê Yewbîyaye, dezgeh û dezgehê mîyanneteweyîyan kenê ke bi lez bikewê mîyanê têgêrayîş û rewşa endama KJARî zelal biba, nizdîbîyayîşê hemverê nê kerdişan diyar bikerê û bi lez wezîfe û berpirsiyarîya xo bîyarê ca.”