MERKEZÊ XEBERAN - Aktîvîsta heqanê cinîyan hetê Talîbanî ra ameye tepiştiş. Bado ke Talîban Afganîstan de hukmat girewt destê xo vera cinîyan de hêrişê xo zêdîna. 

 

Ame zanayîş ke pawitoxa heqanê cinîyan ya Afganîstanî û pawitoxa heqanê cinîyan ra Julîa Parsîye hetê ‘îstîxbaratê Talîbanî’ ra ameye tepiştiş. 

 

Goreyê xebera ke ameye weşanayîş Julîa Parsîye netîceyê sereştişê keyeyê xo de hetê endamanê Talîbanî ra tewrê lajê xo raştê şîdetî ameya. Talîbano ke Julîa Parsîye tepişt dest rona kelepulanê aye yê şexsî û belgeyanê aye ke keye de bî. Nîno zanayîş ke Talîban Julîaye berda kam ca.

 

 ‘Bêvengkerdişê vengê cinîyan yeno waştiş’

 

Têgêrayîşê Xoverdayîşê Cinîyan ê Afganîstanî derheqê tepiştişê Julîaye de vat: “Talîban bi tepiştişê Julîaye wazeno ke mîlyonan cinîyê Afganîstanî bêveng bikero. Ma hêrişê Talîbanî yê vera cinîyê ke xover danê, şermezar kenê. Tepiştişê cinîyan û îşkencekerdişê înan îxlalê heqê merdiman o.”

 

Welat de tewr peynî pawitoxê heqanê cinîyan ra Neda Parwanîye, mêrde û tutê aye hetê Talîbanî ra ameybî tepiştiş.