ANQARA - Mûxabîra JINNEWSî Dîlan Babate û mûxabîrê MAyî Firat Can Arslanî dewaya ke bi sebebê merasîmê cenazeya Nagîhan Akarsele taqîb kerdî, bi îddiayê "Hedefgirewtişê wezîfedarê îstîmlakî yê hemverê terorî têkoşîn kenê" înan rê amebî akerdiş, berat kerdî. 

 

Nagîhan Akarsele 4ê teşrîna verêne 2022ine de bajarê Silêmanîye yê Başûrê Kurdistanî de bi hêrişê çekdarî dinyaya xo bedelnabî. Mûxabîra JINNEWSî Dîlan Babate û mûxabîrê MAyî Firat Can Arslanî 13ê teşrîna verêne de Taxa Golyazî ya qezaya Cihanbeyliya Konyayî de merasîmê cenazeya Nagîhane taqîb kerdêne bi îddiayû "Hedefgirewtişê wezîfedarê îstîmlakî yê hemverê terorî têkoşîn kenê" Dîlane û Firatî rê dewa amebî akerdiş. Roniştişê dewaya 4ine Dadgeha Cezaya Giran ya Konyayî ame vînayîş.

 

Dîlane Edliyeyê Sihhiye yê Anqarayî de bi Sîstemê Veng û Dîmenî (SEGBÎS) tewrê roniştişî bîye. Firat zî Zîndanê Sîncanî yê ci de tepişte yo bi rayîrê SEGBÎSî tewrê roniştişî bi. 

 

Roniştiş dimayê tespîtkerdişê nasnameyî dest pêkerd. 

 

Dîlane sûcê hemverê xo red kerd û vat yê ke tehdîd înan rê ame kerdiş ma bîyî. 

 

Firatî zî pawitişê xo kerd û da zanayîş ke yê ke azadîya çapemenîye binpay kerd fermandarê uca bi xo bi û vat, o mutala û sûcê hemverê xo qebûl nêkeno. 

 

Avûkate Şevin Coşkune da zanayîş ke taqîbkerdişê xeberan ê Dîlane û Firatî çarçewaya "azadîya çapemenîye" de ameyo kerdiş. 

 

Heyetê dadgehe Dîlane û Firatî berat kerd.