AMED - Amed de 105 kesê ke wextê protestoyê 9ê teşrîna verêne de destbend bîbî, 104 kesî ameyî veradayîş.

 

Komployê mîyanneteweyî ke 9ê Teşrîna Verêne 1998ine de hemverê Rayberê PKKyî Abdullah Ocalanî de ame kerdiş û Zîndanê Tîpê Fyê Asayîşê Berzî yê Îmraliyî de binê tecrîdê mutleqî de yeno girewtiş û 31 aşmî yo agahî ci ra nîna girewtiş, vizêr  Amed de ame şermezarkerdiş. Wextê şermezarkerdişî de Hemserekê Federasyonê Komeleyê Paştdayîşî û Huqûqî yê Keyeyî Tepişteyan û Hikumwerdoxanê Medî (MED TUHAD-FED) Kerem Canpolat mîyan de 105 kesî amebî destbendkerdiş. Derheqê kesê ke amebî destbendkerdiş de sûcê “Hemverê Qanûnî Rayîr ra şîyayîş, Protesto û kombîyayîşî yê Hûmara 2911 vejîyayê” ame kerdiş.

 

104 kesê destbend bîbî, dimayê îfadeyê înan ê mudurîyê polîsan ameyî veradayîş. Wextê destbendkerdişê kesêk zî ame dergkerdiş.

 

Temsîlkarê partîyê sîyasî û dezgehê sivîlî yê dimayê kontrolê weşîye yê Nêweşxaneyê Selahattîn Eyubî serbest ameyî veradayîş, hetê parlamenterê Partîya Çep a Keske, endamê Komeleya Huqûqnasê Seba Azadîye (OHD) û keyeyê xo ra ameyî pêşwazîkerdiş.