MÊRDÎN - Nasnameyê endamêk HPGyîj ke pêrodayîşê bejayîyê Omeriya de dinyaya xo bedelnabî, ame teşhîskerdiş. Semedê teşhîskerdişê cenazeyê bînî, keyeyan nimûneyê gonî da. 

 

Artêşa dewleta tirkan vizêr dewa Cinata ya Herêma Omariya ya Nisêbînê Mêrdînî de operasyonê leşkerî dabî destpêkerdiş û dima ra herême de pêrodayîş vejîya. Pêrodayîş de 2 kesan dinyaya xo bedelnayî û cenazeyê înan şewa bîne ardî Morgê Nêweşxaneyê Perwerde û Cigêrayîşî yê Mêrdînî. Serê agahdarkerdişê polîsan, di keyeyî semedê teşhîskerdişê cenazeyan ameyî Mêrdîn. Ame zanayîş ke yew cenaze ê endamê HPGyij Bîlal Şahîn a û keyeyê ey morg de cenaze teşhîs kerd. 

 

Keyeyê Bîlalî do cenazeya tutê xo saete şanî de teslîm bigîro û Goristanê Qamişloyî yê qezaya Bismilî ya Amedî de defin bikero. 

 

Ame zanayîş ke cenazeya bîn zî yê endamê HPGyî Ramazan Temel (Nûrhak Dêrik) a. Keyeyê Ramazanî ke qezaya Wêranşarê Rihayî de ciwîyeno, semedê teşhîsî ame Mêrdîn. Labelê keyeyî nêeşka cenaze teşhîs bikero. Keyeyo ke karê dozgerî temam kerd, şi Nêweşxaneyê Perwerde û Cigêrayîşî yê Mêrdînî û semedê testê DNAyî nimûneyê gonî da. 

 

Goreyê agahiyan, operasyonê leşkerî yê Herêma Omeriya û Bagokî dewam keno.