MERKEZÊ XEBERAN - KCDK-E û CDK-F ke rêxistinê sîwanî yê Komeleya Kurdî yê Ewropa û Fransayî, eşkerayîya çapemenîye yê dostê şarê kurdî silam kerdî û vatî: "No hema destpêk o."

 

Rêxistina sîwanê komeleya Kurdî ya Ewropayî KCDK-E û rêxistina sîwanê komeleya Kurdî yê Fransayî Konseya Kurdî ya Demokratîke ya Fransayî (CDK-F) Strasboûrg de kombîyayîşê çapemenîye organîze kerd.

 

Hemserekê KCDK-E Zubeyde Zumrut û Engîn Sever, Hemserekê CDK-Fyî Şahîn Polat û Hemserekê Meclîsê Strasboûrgî Fikret Çelîk beşdarê kombîyayîşî bîyî. Kombîyayîşê çapemenîye de hemleyê ke bi waştişê Azadî Rayberê PKKyî Abdullah Ocalanî reyde û çareserîya sîyasî problemê kurdî reyde ame destpêkerdiş, silam kerd.

 

Hemsereka KCDK-Eye Zubeyde Zumrut dîyar kerd ke bi 4 rojî yo Strasboûrg de yê, hemleyê 10ê teşrîna verêne dest pêkerd û vat: “Dostê şarê kurdî derheqê hemleyî, gama destpêkî eştî.”

 

Zubeyde, ard ziwan ke zêdeyê 10 noqteyan de eşkerayîye ameyê dayîş û vat: “Rayber Apo semedê şarê dinya têkoşîn keno, ê zî semedê azadîya Rayber Apo têkoşîn kenê.” Zumrute dîyar kerd ke ê game silam kenê. Zumrute dîyar kerd ke ê do semedê azadîya Abdullah Ocalanî têkoşîn hîn xurtêr bikerê û vat: “No destpêkek o, do pîl bibo û dewam bikero.”