WAN - Ame zanayîş ke taxa Karşiyaka ya Rêya Armûşî de şerê mabêne polîs û komêke de vejîyayo û tutêk birîndar bîyo.

 

Taxa Karşiyaka ya qezaya Rêya Armûşî ya Wanî de 10ê teşrîna verêne de semedê rijnayîşê guleyî tutêk birîndar bîyo. Goreyê agahîyê ke ameyê girewtiş; roja sêşeme taxe de mabêne polîs û komêke de şer vejîyayo. A mabêne de tutêk ke şîne firine nan bigîro, semedê guleyî milê xo ra birîndar bîyo. Nîno zanayîş ke tut semedê guleyê kam ci kîşte birîndar bîyo.

 

Ame dîyarkerdiş ke dimayê hedîseya ke ameye ciwîyayîş, tutî wedarnayî nêweşxane û dimayê tedawî nêweşxane ra vejîyayo. Eynî wextî de ame dîyarkerdiş ke keyeyî derheqê hedîse de muracatê sûcî kerdo.