MERKEZÊ XEBERAN - KJARî semedê Werîşe Mûradî ya ke 1ê Tebaxe de Sine ra hetê îstîxbaratê Îranî ra ameye remnayîş, kampanyaya îmzeyan da destpêkerdiş û venga raportorê Heqê Merdiman ê Neteweyê Yewbîyaye yê Îranî û rêxistinê heqê merdiman ê dinya kerd ke bêveng nêmanê.

 

Komeleya Cinîyanê Azadan ê Rojhelatê Kurdistanî (KJAR) semedê endama KJARî Werîşe Mûradî ke 1ê Tebaxe de Sine ra hetê îstîxbaratê Îranî ra amebî remnayîş, kampanyaya îmzeyan ya online da destpêkerdiş.

 

KJARî eşkerayîya xo ya derheqê kampanyaya îmzeyan de wina vat: “Werîşe Mûradî semedê xebatê sîyasî û rêxistinkerdişê cinîyan bikera, 1ê Tebaxe de bajarê Sine yê Rojhilatê Kurdistanî de bîye. Serê aqûbetê Werîşe Mûradî ke hetê hêzê pawitişî yê Komara Îslamî ya Îranî ra ameya remnayîş û berdê cayêk ke tu zanayîşê ma çin o.

 

Veng rêxistinê heqê merdiman ê mîyanneteweyî ame kerdiş

 

Eşkerayîye de ame dîyarkerdiş ke keyeyê Werîşe Mûradî pêwa muracatê sazgehê polîsan dayê zî agahî nêgirewtê û na agahî ameye dayîş:

 

“Hem ma, hem zî keyeyê aye na rewşe de endîşeyîn ê. Komara Îslamî ya Îranî berpirsyarê cuya Werîşa Muradîye ke hetê hêzê Rêxistina Îstixbaratî ya Pasdarê Şorişê Îslamî û hêzê Wezaretê Îstixbaratî ra bi zorê ameya remênayîş. Na çarçewa de ma waştiş rayaumûmî rê raportorê Heqê Merdiman ê Neteweyê Yewbîyaye yê Îranî û rêxistinê mîyanneteweyî yê heqê merdiman kenê ke derheqê vînîkerdişê bi zorî yê Werîşe Mûradî de vengê xo berz bikerê.”

 

Bi nê lînkî şima eşkenê xo biresnê kampanyaye.