ÇEWLÎG - Sereka Komîsyonê Heqanê Cinîyan ê Baroyê Çewlîgî Avûkat Nuran Aydine da zanayîş ke sazbîyayîşê dînî Çewlîg de her ke şino zêde beno û cinî raşteyê komelî ra yenê dûrîfînayîş û têkoşînê cinîye yeno qelskerdiş. Nurane wina dewam kerd: “Goreyê bajarê bînan Çewlîg de sazbîyayîşê dînî hîna asan xebata xo rayîr ra beno. Îqtîdar paştî dano û vernîya înan nêgêno.” 

 

Polîtîkaya şerê taybet yê Kurdistanî roj bi roje giran bena. Cinîyê ke bi şîdetê leşker û polîsan reyde rî bi rî manenê, heto bîn ra zî bi tedaya dînî reyde yenê pelçiqnayîş. Înan bajaran ra yew ke bi destê tarîkat û cemaetan teda yena kerdiş Çewlîg o. Sereka Komîsyonê Heqanê Cinîyan ê Baroyê Çewlîgî Avûkate Nuran Aydine derheqê babete de ercnayîş kerd.

 

‘Çewlîg bajarê projeyî yo’ 

 

Nurane da zanayîş ke Çewlîg teberê komelî de yeno verdayîş û eleqeya ci zî eleqeyê dînî esto. Nurane nê çîyan ard ziwan: “Fraksyonê dînî verê cû teberê komelî û cuye komelî bî. Çewlîg cayêk balkêş o. Eynî awanîye de DAIŞ zî esto SDGFî zî esto. Heta eynî keye de wayê û birayê ke tewrê YPG û DAIŞî bîyî zî estê. Coka ra zî bajarêk hîna cîya yo. Bi parlamenterêk Huda Parî reyde mi qisey kerd û vat: “Çewlîg goreyê lazimîya bînayan ê komare ameyo awankerdiş. Cokra ra zî karakterê ci çin o.” Na rewşe hema dewam kena. No bajarêk projeyî yo û hema proje dewam keno. Goreyê bajarê bînî, Çewlîg de bi asanî komeleyê dînî eşkenê falîyetanê xo rayîr ra berê. Îqtîdar zî bi zanabîyayîş paştî dano.”

 

‘Dewlet bedelê polîtîkaya xo bi xo dana’ 

 

Nurane sewbîna wina dewam kerd: “Polîtîkaya hemverê cinîyan bi temamî seba fînayîşê cinîye yenê rayîr ra berdiş. Na rewşe girêdayeyê wextî yo û goreyê mi zêde nêreseno amacê xo. Çewlîg de Tîk Tok zêde yeno şixulnayîş. Cinî û tutê kêna zêde nêvejîyenê teber. La kêm bo zî cinî û tutê kêna êdî vera nê caardişan de xover danê. Verê cû cinîyan hîna zêde sere wedaritêne. Veng nêkerdêne û qebul kerdêne. Dewlete esasê xo de bedelê polîtîkatanê xo reyna bi xo dana.” 

 

Şîdet serê cinîyan de yeno kerdiş 

 

Nurane bale ant serê şîdetê cinîyan ser û vat ke demê peyênan de şîdetê ekonomî yê serê cinîyan zêde bîyo nê ercnayîşan kerd: “Şîdetê fîzîkî, ekonomî û psîkolojîk bi cinîyan yeno kerdiş. Bi taybetî teda terzo ke cuya komelî de çinî bikerî de yeno kerdiş. No zî bi temamî girêdayeyê ekonomîye yo. Demê peyênan de şuxilnayîşê tîryakî zêde yo. No şîdetê fîzîkî zêde kerdo. Çewlîg de metamfetamînî yê kîmyewî hetê camêrdan ra yeno şuxilnayîş û no zî rayîr şîdetê fîzîkî yê camêrdî rê akeno. Çewlîg de têkoşînêk cinîye yê rêxistinkerde çin o. Çewlîg bajarêk ke partîyê siyasî û komeleyê cinîyan tede aktîf xebetîyenê ra nîyo. Ez verê cû Komeleya Heqanê Merdiman (ÎHD) de bîya. Avûkatê cinî yê baroyê Çewlîgî zêde paştîdayîş nêdanê.” 

 

Nurane qiseykerdişê xo wina qedêna: “Ewro ma ewnîyenê fikrê ciwanan ra nîno ewnîyayîş. Ma siyasetmedar û cinîyan reyde raşteyan de xebatan rayîr ra benê. Fikrê ma û ciwanan cîya yo. Seba ke ma xo biresnê înan ganî ma nizdîyê înan bibê. Ganî ma xebatê ke ciwanan esas gênê rayîr ra berê. Ganî ma nizdîbîyayîşê xo bibedilnê û xo biresnê înan.”