Şehrîban Aslan

 

AMED - Mûxabîra ma Derya Rene ya ke zîndanê Cinîyan ê Amedî de tepişte ya, seba serbestverdayîşê bi kontrolî muracat kerdbî û hetê mehkemaye ra ame redkerdiş. Yew bahaneyê redkerdişî mehkemaye sey ‘Bi waştişê xo qawişê tepişteyê ke endamê rêxistine yê aktîfî ra de manena’ ame mojnayîş. 

 

Mûxabîra ma Derya Rene Amed de 25ê teşrîna peyêne ya 2022yî de çarçeweya tehîqato ke merkezê ci Anqara bî de, sereştişê keyeyan de dosyayêk cîya ra bi bahaneyê cezaya aye ya zîndanî esta, ameye destbednkerdiş û tepiştiş. 6ine Mehkemaya Cezaya Girane ya Rihaye bi sucdarîya ‘Bi zanebîyayîş hetkarî daya rêxistine’ 3 serrî û 13 aşmî û 15 roje ceza da Deryaye. Bado ke ceza hetê mehkema ra ameye tesdîqkerdiş Derya ameye tepiştiş. Deryaye seba serbestverdayîşê bi kontrolî 31ê Tebaxe de waştişname şirawitbî Yewine Dadgerîya Înfazî ya Amedî. La mehkema bi bahaneyê absurtî waştişname red kerd. 

 

Bahaneyê redkerdişî 

 

Mehkema bahaneyê redkerdişî yê waştişnameyê Deryaye wina vat: “Dosyayê UYAPî yê zîndanî ameyo cigêrayîşkerdiş û dosya de sucê ‘Bi zanebîyayîş û bi waştiş hetkarî daya rêxistine’ ameyo kerdiş. Nê sucî ra zî ameya tepiştiş... Tepişteye seba ke bivejîya kontrolî ganî rêxistine ra cîya biba û dezgehê ma yê înfazî rê ganî bivata. La tepişteye bi waştişê xo odeya endamanê rêxistine yê PKKyî de menda. Ame fehmkerdiş ke waştişê aye yê cîyabîyayîşî yê rêxsitina terorî ra çin o. Coka ra tepişte nêeşkena bi tedbîrê serbestverdayîşê bi kontrolî ra fêde bigêra û waştişê aye zî cok ra ameyo redkerdiş.”