AMED - Parlamentera HEDEPyî ya Amedî Halide Turkoglu, konferansê herêmî ya HDPyî de qiaey kerd û vat, polîtîkayê qeyûmî tecrîdî ra dûr nîyê.

 

Heyetê Îdareyanê Herêmîyan ê Demokratîkan ê HDPyî Konferansê Cinîyan ê Amedî kerd. Xeylêk cinîyî tewrê konferansî bîyî û salone de pankarta 'Seba Azadîye', 'Hemserekîya xeta ma ya mor a' ameye akerdene. Temsîlkarê partîyê sîyasî, Parlamentera Partîya Têduştî û Demokrasî yê Şaran (HEDEP) Halide Turkoglu, Tevgerê Cinîyanê Azadan (TJA), Meclîsê Dayîkê Aştîye, temsîlkarê komelê sivilî û xeylêk cinî tewrê konferansî bîyî.

 

Destpêk de Vervatoxa Heyetê Îdareyanê Herêmîyan ê Demokratîkan ê HDPyî Halîde Turkoglu qisey kerd.

 

Her ware têkoşîn ame kerdiş

 

Halîde dîyar kerd ke rejîmo bîyaye rejîmê şerî yo û vat: “Filîstînî ra heta Rojawanî rejîmê şerî yê dewletanê neteweyan est o. Tirkîya de zî no şer bi hawayêkê cîyayî est o. Vera Birêz Ocalanî tecrîdê Îmraliyî bi giranî dewam keno. 7 serrî yo qeyûmî îradeyê ma xesp kenê. La 7 serrî yo ma zî vera nê rejîmê qeyûman apey gamêke nêeşte. Ma do hertim vera xespkerdişê rejîmê qeyûman têkoşîn û xoverdayîşê xo berz bikerê.”

 

‘Polîtîkayê qeyûmî tecrîd ra dûrî nîyê’

 

Halîde dîyar kerd ke israrkerdişê qeyûman yeno manaya înkarî û polîtîkayê qeyûmî tecrîd ra dûrî nîyê û wina vat: “Ma tim vanê ke hemserekîye xeta ma ya mor a. Ma kongreya HEDEPî de zî no mesaj da ke sey cinîyan heta peynî destkewteyanê xo bipawê û têkoşînê cinîyan bihêz bikerê. Paradîgmaya ma neteweya demokratîk a. Ma zanenê ke qeyûmî ma ra çita diznenê. Çîyê ke sîstemê serdestîya camêrdan ma ra diznayê ma vera nînan polîtîkayanê xo aver berê. Ma ewro bi felsefeya 'jin, jiyan, azadî' têkoşînê xo kenê global. Wa rayîrê ma akerde bê.”

 

Qiseykerdişê Halîde ra dima konferans bi hawayêkê girewteyî dewam keno.