MERKEZÊ XEBERAN - Dewleta tirkan bombeyan dewanê Şehba û Efrînî varênena.

 

Hêrişê Tirkîya yê hemverê Rojawanî dewam kenê. Dewleta tirkan pêwa komanê xo bombeyan derûdorê qezaya Til Rifetî, dewanê Şewarxa û Şealî varênena.

 

Artêşa tirkan û komê aye vizêr şan de bi çekê giran derûdorê Til Rifetê Şehbayî û dewanê Şewarxa yê qezaya Şera ya Efrînî topvaran kerd.

 

Sewbîna dewa Şealê ya kantonê Şehbayî zî topvaran kenê.

 

Kobanê ame topvarankerdiş

 

Kobanê de erebeyêk ame hedefgirewtiş û dewêke ameye topvarankerdiş. Hemwextî topvarankerdişê dewa Ehmed Munîrî de teyareyêk bêmerdim û biçeke yê dewleta tirkan rojawanê Kobanê de erebeyêk bombavaran kerd.

 

Mûxabîra ANHAyî herême ra neql kerd ke teyareyêk bêmerdim û biçeke yê dewleta tirkan rojawanê Kobanê de erebeyêk bombevaran kerd.

 

La agahîyê hîra derheqê hêrişî de nêameyî bidestkerdiş.

 

Heto bîn ra dewleta tirkan bi tankan dewa Ehmed Munîrî yê rojawanê Kobanê topvaran kerd.