MERKEZÊ XEBERAN - Vejîya werte ke Wezareta Polîtîkaya Komelî û Keyeyî, kênaya êzidî ya binê pawitişê ci de ya, teslîmê keyeyê DAIŞî ke aye remnabî Tirkîya û serê dark webî de “dayê ver rotişî” kerda.

 

Kênaya êzîdî ke serra 2017ine de DAIŞî remnabî Tirkîya û dima ra serê înternetî (dark web) “da ver rotişî”, sibata 2021ine de Anqara de operasyonêk hemverê keyeyêk hucreyê DAIŞî de ameye xelesnayîş. Vejîya werte ke tuta ke binê pawitişê Wezareta Polîtîkaya Komelî û Keyeyî de teslîmê keyeyê DAIŞî ke aye “dabî ver rotişî” ameyo kerdiş. 

 

Wezarete teslîmê keyeyê DAÎŞî kerd 

 

Yeno pawitiş ke ewro saete 11.30ine Sabbah Alî Orûço ke tute remnaya Tirkîya, 15ine Dadgeha Cezaya Giran ya Anqara de bêro muhakemekerdiş û heto bîn ra derheqê babete de agahîyêk newe ameye bidestkerdiş. Goreyê xebera Artı Gerçekî 21ê hezîrana 2022ine de bi tesdîqkerdişê Wezaretê Polîtîkaya Komelî û Keyeyî reyde, tuta êzidî ya ke “qerarê pawitişî” ya derheqê ci de ame wedaritiş, bi ‘zabitnameyê teslîmkerdişî’ yê selahîyetdarê Keyeyê Sevgîye ya Pursaklarî ra teslîmê keyeyê DAIŞî ameya kerdiş.