MERKEZÊ XEBERAN - Serekê Sazgehê Multecîyê Fîlîstînî yê Neteweyê Yewbîyaye (UNRWA) Philippe Lazzarini, îqaz kerd ke semedê ablûqakerdişê Îsraîlî yê Şerîdê Gazzeyî do xeylêk merdimî demêk nêzdî de bimirê.

 

Serekê Sazgehê Multecîyanê Fîlîstînî yê Neteweyê Yewbîyaye (UNRWA) Philippe Lazzarinî Qudus de kombîyayîşêk çapemenî organîze kerd û wina vat: "Wexto ke ma qisey kenê, Gazze de merdimî mirenê, tenê bi bomba nê do bi hêrişê semedê ablûqayê serê Gazzeyî do xeylêk merdimî demêk nêzdî de bimirê."

 

Philipe Lazzarinî wina vat: "Xizmetê bingehîn vînî kenê, dermanî nêmanenê, xida û awe nêmanenê."

 

57 xebatkarê UNWRAyî dinyaya xo bedelnayî

 

Destpêkerdişê şerî û nata 57 xebatkarê ajansê multecîyê Fîlîstînî yê Neteweyê Yewbîyayeyî dinyaya xo bedelnayî.

 

Philipe Lazzarinî, dîyar kerd ke Şerîdê Gazzeyî lazimî bi hetkarîya 'girîng û daîmî' yê lezgîn esto.