MERKEZÊ XEBERAN - TJK-E bi wesîleya Roja Kobanê ya Dinya yê 1ê Teşrîna Peyêne eşkerayîyêke daye û venga tewrbîyayîşê çalakîyan kerd.

 

Eşkerayîya ke hetê TJK-E ra ameye dayene bi nê rengî ya:

 

“Netîceya fikr û keda Serekê PKKyî Abdullah Ocalanî de xoverdayîşê Kobanê ser kewt û nê xoverdayîşî tarîx nuşt. Bi seyan cinîyan nê serkewtişî de cagirewt û mojna ke cinîyî her ke şer kenê benê rind. 

 

Ganî ewro zî ma çarçewa Hemleya ‘Rayber Apoyî rê Azadîye, Meseleya Kurdan rê Çareserîya Sîyasîye’ de hêz û îradeyê cinîyan bimojnê. Senî ke Kobanê bi têkoşînê şaran bin nêkewte, ancî bi xoverdayîş û rêxistinîya şaran ma tecrîdî bişiknê û Rayber Apoyî azad bikerê.

 

Nê esasî ser o ma venga pêro şarê xo û dostanê xo danê ke têkoşînî geş bikerê û tewrê çalakî û merasîmanê Roja Kobanê ya Dinya bibê.”