MERKEZÊ XEBERAN - Semedê Roja Tutan ê Dinya, Reqayî de şayîyêke ameye organîzekerdiş. Beşdarê şayîye vatî “Ameyox destê tutan de yo, wexto ke înan baş pîl bikerê do komelêk durist awan bibo”.

 

Nuştegehê Tutan ê Komîteya Cinîyan ê Meclisê Sivîlî yê Reqayî bi hemkarîya Baxçeyê Tutan ê Fereh şayîyêke Merkezê Kulturî yê bajarî organîze kerd.

 

Şayîye de tutê bajarî, keyeyê înan, hemsereka Meclisê Sivîlî yê Reqayî Hêvîn Îsmaîl, endamê nuştegehî, sazgehê sivîlî û temsîlkarê Îdarekarîyê Xoser amade bîyî.

 

Endama îdarekarîyê Nuştegehê Tutan ê Meclisê Sivîlî yê Reqayî Wîsam El Derwîş na roje tutan pîroz kerd û hêvî kerd û vat: “Ameyoxê ma destê tutanê ma de yo. Wextê ma înan baş pîl bikerê, ma do komelêk durist bi dest bikerê.”

 

Dima ra tutan rê Baxçeyê Fereh ê Nuştegehê Tutan ê Meclisê Sivîlî yê Reqayî de tîyatro, deyîrî û şîîrî pêşkêş kerdî.

 

Peynîya şayîye de fotografê şehîdê QSDî, Hêzê Asayîşê Zerreyî, şîdetê serê tutan û şarê Filistînî ameyî mojnayîş.