MERKEZÊ XEBERAN - Qezaya Koye de hetê Rêxistina Oskar ra semedê 15 cinîyan pêşangehêk yê berardişê destan ame akerdiş.

 

Ewro qezaya Koye de serê bi bajarê Hewlêrî de hetê Rêxistina Oskarî ra semedê averşîyaşê cinîyan pêşangehêk yê berardişê destan semedê 15 cinîyê qeza ame akerdiş.

 

Sereka Projeyê Rêxistina Oskarî Semîre Yasîn, derheqê amancê akerdişê pêşangehî de Rojnewsî rê qisey kerd û vat: “Ma waşt bi nê pêşangehî 15 cinîyê qezaya Koye de berardişê xo yê ke bi dest viraştişî, bimojnê û bieşkê biroşê.”

 

Semîre Yasîn dîyar kerd xeylêk nînan ra çîyê unîversîte û peymangehê Herêma Kurdistanî yê û ê wazenê bi pêşangehî îmkanê karî semedê înan peyda bikerê û bieşkê berardişê xo aver berê.

 

Sewbîna Semîre Yasîn vat, pêşangehî de 15 cinî berardişê xo yê sey werdê Kurdewarî, şîrînî, kozmetîk û çîyî bînî mojnayî. 

Sewbîna vat, do pêşangeh rojêke bibo û heta saete 17:00ine akerde bimano.