MERKEZÊ XEBERAN - MKGyî bi wesîleya 25ê Teşrîna Peyêne serê rîpelê xo yê Xî de paştdayîşê bi cinîyan reyde pare kerd.

 

Komeleya Rojnamegeranê Cinîyan ê Mezopotamyaye (MKG) bi wesîleya 25ê Teşrîna Peyêne Roja Têkoşînê Vera Şîdetê Cinî de serê rîpelê xo yê Xî yê medyaya dîjîtale de mesajê paştdayîşî yê bi cinîyan reyde pare kerd. MKGyî mesajê xo de bale ant serê paştdayîşê bi cinîyanê rojnamegeran ê ke zîndanan de yê. 

 

'Ma hewl danê na roje bi qelema xo hîn xurt pêşwazî bikerê'

 

MKGyî da zanayîş ke ê sey Komeleya Rojnamegeranê Cinîyan ê Mezopotamyaye (MKG) bi wesîleya 25ê Teşrîna Peyêne Roja Têkoşînê Vera Şîdetê Serê Cinî, hêvî kenê ke paştdayîşê bi cinîyan reyde her wareyê cuye hîna xurtir bibo û vat: “Ma zî hewl danê na roje bi qelema xo hîn xurt pêşwazî bikerê û bibê vengê cinîyanê raşteyan. Ma na roje de paştdayîşê bi meslegdaranê xo yê zîndanan de dewam kenê.