Melîke Aydin

 

ÎZMÎR - Burcugul Çubuka HEDEPî dîyar kerd ke îqtîdar bi tecrîdê Îmraliyî mesajê dewamkerdişê polîtîkayê şer ê Rojhelatê Mîyanenî dano û bêvengîya sosyalistan û hêzê demokratan yê vera tecrîdî rexne kerd. Burcugule da zanayîş ke îqtîdar bi nizdîbîyayîşê xo xîret keno ke hêzê elît ê netewperestî xurt bikero û vat ke do çalakîya Gemlîkî zî dewam bikera.

 

Rayberê PKKyî Abdullah Ocalano ke 25 serrî yo binê tecrîdêk giran de Îmraliyî de yeno tepiştiş ra 33 aşmî yo tu xeberêke nîna girewtiş. Muracatê avûkatê Buroyê Huqûqî yê Asrin her reye bi bahaneyê cezaya dîsîplînî yenê redkerdiş. Parlamenterê Partîya Têdûşte û Demokrasîye (HEDEP) zî bi amancê pêvînayîşê bi Abdullah Ocalanî reyde muracat kerdî. Rojanê verênan de seba protestokerdişê tecrîdî reya diyîne ver bi Gemlîkî ra rayîr ra şîyayîş dîya destpêkerdiş. 

 

Parlamentera HEDEPyî ya Îzmîrî Burcugul Çubuka ke tewrê rayîr ra şîyayîşê Gemlîkî bî vat ke do çalakîyê înan dewam bikerê û sewbîna hêzê sosyalîst û demokrasîyî yê ke tewrê çalakîye nêbiyî rexne kerd. Burcugule wina vat: “Tecrîd hetê îqtîdarî ra yeno girdkerdiş. Ganî na xete bêra tasfîyekerdiş.” 

 

‘Tecrîd her tim estbî’ 

 

Burcugule da zanayîş ke Îmrali serê tecrîdêk giran de ameyo awankerdiş û vat: “Abdullah Ocalan tena uca de ame tepiştiş û bi nê caardişî waştî ke bê îrade biverdê. La nêresayî amancê xo. Sere de tecrîd estbî. Prosesê çareserîye de zî tecrîd estbî. Tena heyet eşkeno şêro û bêro. Zîndanê Tirkîya de xora tepişteyî heqanê xo ra nêeşkenê fêde bigîrê.” 

 

‘Şar wazeno ma şêrê pêvînayîş’ 

 

Burcugule wina dewam kerd: “Hîrê serrî yo ke pêvînayîşêk telefonî zî nêameyo kerdiş. Ma seba teşhîrkerdişê tecrîdî waştişnameyêk da wezîrîya edaletî. Pêroyê şarî wazeno pêvînayîş pê bêro. Ma waşt ke ma nê çîyî pê bîyarê. La bêvengîyêke est a. Seba nê çîyî çareserîyêk çin a. Hetê weşî, psîkolojîk de çi rewşe de yê? Bahaneyê redkerdişê muracatan zî cezaya dîsîplînî yo. Verê cû bahane ‘şertê hewayî bî, xerabîyayîşê kosteran bî’. Nika cezaya dîsîplînî ya tê dima yenê dayîş. Çîyêk winasî nêbeno. Prosesê çareserîye de zî no nizdîbîyayîş estbî.”

 

‘Raştîyan seba asayîşê xo nêvanê’ 

 

Burcugule dewamê qiseykerdişê xo de nê ercnayîşa kerd: “Ma zanê ke aştî nîna waştiş. Seba serdestîya xo daîmî bikerê prosesê çareserîye de gamêke eşt ê. La dima ra bi tay komployan proses dewam kerd. Coka ra zî cezaya dîsîplînî ya newe dîya. Beno ke cezaya dîsîplînî aîdê o wext ba. Coka ra zî bahaneyê asayîşê xo eşkera nêkenê.” 

 

‘Mesajê ke hetê şerî ra danê’ 

 

Burcugule dîyar kerd ke tecrîdî hem heyetê pêroyî û hem zî komsîyonan de anê ziwan û vat: “Bi tecrîdo ke Îmraliyî de pê yeno, mesajê honayîşê şerî ê hetê Rojhelatê Mîyanenî yeno dayîş. Eynî wextî de vanê do tecrîd heme zîndanan de sîstematîk dewam bikero. Tewr peynî Zîndanê Cinîyan ê Sîncanî de cinî nêvejîyayî heyetê taqîpkerdişê îdarî. Çike no ca bîyo mekanîzmayê edaletî. Tecrîdo ke Îmraliyî de yeno rayîr ra berdiş bi amancê şikitişê îradeyê heme tepişteyan pê yeno.”

 

‘Îqtîdar xîret keno ke vera tecrîdî de elîtê netewperestî xurt bikero’ 

 

Burcugule ard ziwan ke nizdîbîyayîşê îqtîdarî yê hemverê Îmraliyî elîtê netewperestî xurt bikero yo û wina vat: “Sosyalîstî prosesî ra nata têkoşîn kenê û bi no hawa xîret kenê ke vernîya tasfîyeyê înan bigîrê. Bi behskerdişê Îmraliyî nê çîyî keno gayrîmeşru. La tutîya ma de raştîyêk nê estbî. Îqtîdar xîret keno ke elîtê netewperestî xurt bikero. Vera tecrîdî de ganî têkoşînêk enternasyonal bêro dayîş.”

 

‘Bi Rojawanî reyde ame famkerdiş ke çira têkoşîn yeno dayîş’ 

 

Burcugule dîyar kerd je AKP-MHP sewîyeya mîyanneteweyî de sîyaset keno û semedê nê muxatabê înan dewletan ra wêtayêr şar o û vat: “Ma vînenê ke ewro şar kuçeyan baş şuxilneno û hemverê hukmetan de serewedaritişî de yê. Hemverê faşîzmî têkoşîn berz kerdê. Bi xususî bi Rojawan reyde ewro têkoşîn bi çi amancî yeno dayîş, baş yeno famkerdiş.”

 

‘Ganî têkoşînê yewbîyaye dewam bikero’ 

 

Burcugule bale ant serê têkoşînê yewbîyaye yê şaran û wina vat: “Dinya hema Rojawan û Tevgerê Azadîya Kurdî ra ewnîyena. Pêwa nê tecrîdê serê Birêz Ocalanî zî ewnîyenê û munaqeşe kenê. Akademîsyen çîyêk kenê, roşnvîrî çîyêk bîn kenê û şar zî çîyêk bîn keno. Goreyê mi çîyo lazim, têkoşînê yewbîyaye yê pêro şarê dinyaye yo. Bi di serrî ver bi Gemlîkî rê rayîr ra şîyayîş yeno kerdiş. Prosesê peyîn de rayîr ra şîyayîş û çalakîyê ke pê yenê, tevgerê sosyalîst û demokratî yê Tirkîya çinbî. Pêkerdişî kêm bî. Na babete tenê sey babeta kurdî vînenê. La no problemêk cidi yo. Goreyê mi semedê polîtîkayê binpaykerde yê Tirkîya peynî bibê, ganî pêro kesî bi pîya têkoşîn bikerê. Rayîr ra şîyayîşê Gemlîkî zî yew nê raşteyan ra yo. Tirkê ke tewrê rayîr ra şîyayîşê Gemlîkî bîyî zî pêro endamê HEDEPyî bîyî yan zî HEDEPî taqîb kerdêne bîyî. Ganî soyalîst û demokratî fam bikerê ke hêzê aslî yê dewlete nîyê.”

 

‘Çalakî do zêde bibê û xurt bibê’ 

 

Burcugule peynîya qiseykerdişê xo de ard ziwan ke  demê Osmaniyan de kesê ke heq gêrayîne mecbûr mendê ke vejîyê koyan û tenê Kurdistan nê, Ege de nameyê Efeyan nê semed ra vejîyayo eşqiyabîyayîş û wina qedêna: “Rayîr ra şîyayîşê Gemlîkî verê amebi astengkerdiş. Na rey ma do hîna zêdeyêr qelebalix şêrê. Pêwa pêro astengîyan ma qelebalix şîyî. Ma do çalakîyan tewr zêde xurt pê bîyarê. Ma do çalakîyan zêde bikerê.”