Mîdye Miqted

 

HELEB - Cinîyan derheqê konferansê diyîne yê Yewîya Cinîyê Êzidîye yê Rojawanî de dayî zanayîş ke ê xo bi xebatê xo yê winasîye vera fermana de bibê cewab û wina vat:"Seba ke ma vera şîdet û fermanan de bibê cewab konferansê winasî ganî bêrê viraştiş. Bi wesîleya nê konferansî ma do timî têkoşînê xo gird bikerê. Seba ke ma cinîyê êzidî yê ke destê DAÎŞî de yê bixelisnê xebatê winasî muhîm ê. Ma seba heme cinîyanê êzidî serkewtiş wazenê.” 

 

Bi sloganê "Bi têkoşîn û xoverdayîşê cinîyê êzidî ma do ser bikewê" Yewîya Cinîyê Êzidî ya Rojawanî konferansê xo yê diyîne bajarê Helebî de pê ard. Konferans de cinîyên dezgeh û meclîsê taxe, eynî wextî de cinîyê Yewîya Êzidîyê Şehba amade bî. Konferans de rewşa rêxistinî ya sîyasî ya yew serrî ame ercnayîş. Kesê ke tewrê konferansî bîyî zî qisey kerdî û seba averberdişê xebatan pêşnîyar ameyî kerdiş. Rayîrberîya Keyeyê Êzidîyê Helebî ra Roşîn Muse, Verfeka Cinîyê Êzidî ya Rojawanî Sûad Hiso û Rayîrberîya Yewîya Êzidîyê Efrînî ra Meryem Cindoye derheqê konferanso ke ame viraştiş de qisey kerdî. 

 

'Bi wesîleya nê konferansî ma do her tim têkoşînê xo gird bikerê' 

 

Destpêkerdiş de Rayîrberîya Keyeyê Êzidîyê Helebî ra Roşîn Muse qisey kerd û da zanayîş ke ê do bi rayîrê nê konferansî têkoşînê xo gird bikerê û vat: “Konferansê diyîne, bajarê Helebî de pê ame. Seba rêxistinkerdişê xebatan û cinîyê êzidî no muhîm o. Seba ke ma hemverê şîdet û fermanan de bibê cewab konferansê winasî ganî bêrê viraştiş. Bi rayîrê nê konferansî ma do her tim têkoşînê xo gird bikerê. Seba ke ma cinîyê êzidî yê ke destê DAÎŞî de yê bixelisnê, xebatê winasî muhîm ê. Ma serkewtiş semedê pêroyê cinîyanê êzidîyan wazenê."

 

'Ewro bi têkoşînê xo ma hemverê fermanan de bîyî cewab’ 

 

Verfeka Cinîyê Êzidî ya Rojawanî Sûad Hisoye derheqê muhîmîya viraştişê konferansê diyîne de wina vat: “Ma konferansê xo yê diyîne taxa xoverdayîşî ya bajarê Helebî de pê ard. No konferans semedê ma xeylê muhîm o. Ewro bi têkoşînê xo ma hemverê fermanan de bîyî cewab. Ewro kesêk nêeşkeno têkoşînê cinîyê êzidî veng bivejno.”

 

'Serê fikrê Raybertî ra tekoşînê ma timî dewam keno' 

 

Qiseykerdişê xo yê peyênand e Sûade bale ant serê fikirê Rayberê PKKyî Abdullah Ocalanî û wina peynî ard: "Roja ma ya ewro de cinîyê êzidî her hetî ra xo bi rêxistin kenê. Komîteyê xo awan kenê û her raşteyî de cayê xo gênê. No zî ewro bi fikrê Rayber Abdullah Ocalanî aver keweno. Ma do timî serê fikirê Raybertî de têkoşînê xo bidê dewamkerdiş.”

 

'Tarîxê cinîyan de her tim têkoşîn est o' 

 

Îdarekarîya Yewîya Êzidiyê Efrînî Meryem Cindo da zanayîş ke cinîyê êzidî hemverê tedayan her tim xo ver dayê û wina vat: "Destpêkê tarîxî de û heta roja ma ya ewro, cinî her tim bi xoverdayîşê xo vernî de yê. Tarîxê cinîyan de her tim têkoşîn est o. Bi xususî şorişê Rojawanî de zêdeyêr cinîyan xo da vernî. Cinîyê êzidî fermanan de her tim ameyî kiştiş, remnayîş û tecawuzê înan ame kerdiş. La roja ma ya ewro de cinîyê êzidî hemverê pêro tewirê şîdetî û binpaykerdişan xo dayî îspatkerdiş." 

 

'Organîzekerdişê konferansî semedê ma cayê serberzî yo’

 

Meryeme da zanayîş ke organîzekerdişê konferansê diyîn semedê înan cayê serberzî yo û wina vat: "Semedê konferansê yewin ê Rojawan ame organîzekerdiş,  hat lidarxistin xebatên girîng û cidî hatin kirin. Ev yek jî bi saya jinên êzidî yên ku xwestin bi têkoşîn û karê xwe li hember dijmin, bibin bersiv bû. Heta ku konferansa duyem jî hat lidarxistin, van xebatana dewam kirin. Û lidarxistina konferansa duyem îro ji bo me cihê serbilindiyê ye. Ji ber tevî hemî şert û mercan jî, jinan her tim berxwedana xwe dane dewamkirin. "