Şehrîban Aslan

 

AMED - Avûkate Zuhal Işike reaksîyon mojnaye qeraro ke derheqê Dewaya Vartînîstî de bi bahaneyê kewto verê demvîyartişî ame betalkerdiş û wina vat “Hem demvîyartiş û hem zî caardişê mehkema yê prosesê muhakemekerdişî ke yenê dayîş, nêbeno ke bêro qebûlkerdiş.”

 

3yê Teşrîna Verêne ya 1993yî de bajarokê Vartînîstî yê qezaya Til ê Mûşî de awanîyêk ameybî veşênayîş û eynî keyeyî ra 9 kesî ameybî qetilkerdiş. Derheqê qirkerdişî de dewa ameybî akerdiş û dimayê qerarê xeripnayîşî yê Mehkemaya Berzî de dewa newe ra ameye destpêkerdiş. Roniştişê qerarî yê Dewaya Vartînîstî 1ine Mehkemaya Cezaya Girane ya Kirikkaleye de ame dîyîş. Mehkema bi bahaneyê demvîyartişî qerarê betalkerdişê dewaye da. 

 

Hetgira Serekê Boroya Amedî avûkat Zuhal Işike derheqê qerarî de qisey kerd.

 

‘Polîtîkayê bêcezaverdayîşî serdest o’ 

 

Zuhale da zanayîş ke dewaya Qirkerdişê Vartînîsî de zî dewayê kiştişê kerdoxê nedîyar de zî polîtîkayê bêcezaverdayîşî babeta vatişî ya. Netîceyê polîtîkayê ke bi serran o yeno rayîr ra berdiş de qerarê demvîyartişî ame dayîş. Çi heyfo ke dewayê qetilkerdişê înan nedîyar de nuqtaya 5237î yê TCKyî yê 77an verê çiman de nêameyo girewtiş. Sucê vera merdimîye de demvîyartiş mumkun nîyo. Vera qirkerdişê Vartînîsî sucê vera merdimîye bî, bi bahaneyê demvîyartişî dewa ameye betalkerdiş.”

 

‘No qerar nêeşkeno bêro qebûlkerdiş’

 

Zuhale sewbîna qiseykerdişê xo de da zanayîş ke qerar vera huqûq, wijdan û exlaqî de yo û wina qiseykerdişê xo peynî kerd: “Ya ke hukm keno polîtîkayê bêcezaverdayîşî yo. Na dewaya qirkerdişê Vartînîsî de xo dayo eşkerakerdiş. Hem demvîyarte û hem zî canêameyîşê qerarê ke mehkemayan ê prosesê muhakemekerdişî de yenê dayîş, nêbeno ke bêrê qebulkerdiş. Dewaya qirkerdişê Vartînîsî mîyanê seyan dosyayê ke polîtîkayê bêcezaverdayîşî pê ameyî de cayê xo girewt.”