STENBOL - NÇMyî semedê wesîleya 32yîne serrgêra xo, bi sloganê “Roja Azad, Hunero Azad” konserêk organîze bikero.

 

Merkezê Kulturî yê Mezopotamyaye (NÇM) semedê wesîleya 32yîne serrgêra awankerdişê xo bi sloganê “Roja Azad, Hunero Azad” konserêk organîze bikero.  Konser, do 16ê kanûne saete 18.00 de Merkezê Platformê Yahya Kemal Beyatli yê Kuçukçekmeceyê Stenbolî de bêro organîzekerdiş.

 

Konser de pêwa koroyê NÇMyî, eynî wextî de hunermend Yalda Abbasî û Alî Dogan Gonultaş û dengbêj Kazo zî vejîyê sehne. NÇMyî serê hesabê xo yê medyaya dijîtale de venga tewrbîyayîşê konserî kerd. NÇMyî wina vat: “Zext û zordarî serê komel û hunerî de yeno rayîr ra berdiş. Hemverê na rewşe de  vindertiş û hunerêk şorişgêrî lazim o. Bi nê ruhî û na çarçewa de ma do 32yîne serrgêra NÇMyî de bi sloganê ‘Roja Azad, Hunero Azad’ konserê xo organîze bikerê. Ma venga pêro şaranê xo kenê ke bêrê têhet û ma vengê xo semedê azadî berz bikerê.