MERKEZÊ XEBERAN - Zongûldak de semedê varanê zêde hezaz virazîya û cinîyêke û lajê aye binê xirabeyan de mendibî. Netîceyê cigêrayîşî de cenazeyê wirdîyan ameyî vînayîş.

 

Zongûldak de semedê varayîşê varanê zêde kuçeyê Tulumba ya Taxa Asmayî de hezaz virazîya. Semedê hezazî, welatija bi nameyê Perîhan Çakara 82 serrî û lajê aye Saît Çakaro 51 serrî binê hezazî de mendibî. Semedê vînayîşê dadî û lajê aye xebate amebî destpêkerdiş û şewe bîn mabêne amebî dayîş. Serê sibayî de xebate reyna ameyî destpêkerdiş. Netîceyê cigêrayîşî de cenazeyê wirdîyan ameyî vînayîş.