MERKEZÊ XEBERAN - Grevê vêşanîye yê dore yê tepişteyanê sîyasîyan bi çarçewaya kampanyaya "Abdullah Ocalanî rê azadî, problemê kurdî rê çareserî" dayî destpêkerdiş, roja 18ine de dewam kena. 

 

Semedê wedaritişê tecrîdê giran ê serê Rayberê PKKyî Abdullah Ocalanî û azadîya ci, 27ê Teşrîna Peyêne de tepişteyê sîyasî zîndananê Kurdistan û Tirkîya de dest bi çalakîya grevê vêşanîye yê bidem-dore kerdî. Grevê vêşanîye ewro kewt roja 18ine.

 

Çalakîya grevê vêşanîye çarçewaya kampanyaya "Abdullah Ocalanî rê azadî, problemê kurdî rê çareserî" 27ê teşrîna peyêne de ameye destpêkerdiş û do 15ê Sibata 2024ine de peynî bibo.