ŞIRNEX - Dewaya hetkarê mudirî Burak Ercanî ke Cizîr de vera 43 wendekaran de îstîsmarê cînsî kerdbî bi bahaneyê mutalaa nêameyo amadekerdiş ameye taloqkerdiş. 

 

Hetkarê mudirî Burak Ercanî qezaya Cizîrî ya Şirnexî de vera 43 wendekaran de îstîsmarê cînsî pê ardbî. Derheqê faîlî de bi sebebê “destdergêya cinsî”, “Bi rayîrê desteştişî îstîsmarê cinsî kerdo ” û “hêrişê sivik ê cinsî” ra dewa ameybî akerdiş. 9ine roniştişê dewaye 2ine Mehekema ya Cezaya Girane ya Cizîrî de ame dîyîş. Versuc bi bahaneyêk serbestverdaye yeno muhakemekerdiş û bi rayîrê Sîstemê Veng û Dîmenî (SEGBÎS) tewrê roniştişî bî. Avûkatê Wezaretê Keye û Xizmetê Komelî û Komîsyonê Heqanê Tutan û Cinîyan ê Baroyê Şirnexî zî roniştiş de amade bîyî. 

 

Roniştiş, dimayê tespîtkerdişê nasnameyan dest pêkerd. Heyetê mehkema bi sebebo ke dozger mutalaa amade nêkerdo, dewa taloqê 1ê sibate kerd.