Pelşîn Çetînkaya

 

AMED - Endama Meclîsê Ciwanan a DEM Partîye Hêlîn Koçaka ke seba kongreyê ke do 24ê Kanûne de hetê Meclîsê Ciwanan ê DEM Partîye ra bêro darvistiş venga tewrbîyayîşî kerd û vat: "Ma tîya de yê, ma ciwanî do çerxê nê sîstemî bişiknê."

 

Meclîsê Ciwanan ê Partîya Têduştî û Demokrasî (DEM Partî) bi sloganê ‘Newerabîyayîşê Ciwanan’ 24ê Kanûne de roja Yewşeme Salona Veyve ya Geterlerî ya Amedî de 1ine Kongreyê xo yê Asayî organîze keno. Endama Meclîsê Ciwanan a DEM Partîye Hêlîn Koçake derheqê kongreyî de malumat da. 

 

'Vera astengîyan xebata ma dewam kena’ 

 

Hêlîne dîyar kerd ke înan xeylê çalakîyê sey kombîyayîş û şahîyê şarî organîze kerdî û na çalakî dewam kena û da zanayîş ke ê semedê kongreyo ke do 24ê Kanûne de bêro organîzekerdiş, vera zaf heyecanin ê. Hêlîne ard ziwan ke xeylê reyan dewlete teda bi înan kerda û vat: “Rejîmê AKPyî seba astengkerdişê kar û xebatanê ma û astengkerdişê muracatê tepiştiş û destbendkerdişan kerd û sey her reye hetê xo yê faşîst mojna.” Hêlîne dewamê qiseykerdişê xo de vat: “Wazena dîyar bikera ke vera heme astengîyan zî xebata ma bi heme lezê xo dewam kena.”

 

'Ciwanî nêwazenê cuyêka aîdê înan nîya biciwîyê’

 

Hêlîne da zanayîş ke ciwanî her raşteyî de eleqeyêk gird mojnenê kongreyan û da zanayîş ke ciwanî her çî ra hayîdar ê. Hêlîne vat: “Ciwanî nêwazenê na cuya lêşine ke aîdê înan nîya biciwîyê û wina vat: “Rejîmê faşîst ê AKPyî seba menfîetê xo cehd keno ke sîstemî goreyê xo şekil bikero, tena goreyê menfîetanê xo cehd keno ke ciwanan şekil bikero. La vera ke ciwanî nêwazenê nê metodî biciwîyê zî înan rê yeno ferzkerdiş.”

 

'Ciwanî nêvindenê’ 

 

Hêlîne da zanayîş ke rejîmê faşîst yo ke her tewir şerê taybet meşrû vîneno est o û coka ra zî mîyanê têkoşînêk dewamkerde de yo. Hêlîne bale ant serê tecrîdê serê Rayberê PKKyî Abdullah Ocalanî zî û dîyar kerd ke bi nê tecrîdî amanc kenê ke şarê kurdî bipelçiqnê. Hêlîne ard ziwan ke şarê kurdî û ciwanê kurdî vera bêhuqûqîyan de vindertî û wina vat: “Ma nimuneyêk tewr ver bi çim yê nê têkoşînî vînenê. Grevê vêşanîye yê ewro ke zîndanan de yenê rayîr ra berdiş nimuneyê nê yo. Vîşêrê înan demê peyênan de Parîs de Konferansê Ciwanan pê ame. Ma ciwan do çerxê nê sîstemî bişiknê. Ma do vera nê sîstemî de vajê 'ma tîya de yê’. Seba rol û mîsyonê ciwanan pê bêro ma do her tim raşteyan de bê.” 

 

Bi şîarê 'Newebîyayîşê Ciwanan' ma vajî 'ma tîya de yê’ 

 

Hêlîne seba kongreyo ke 24ê Kanûne roja Yewşeme do saet 10.00î de Salona Veyve ya Geterlerî ya Amedî de bêro organîzekerdiş, venga heme ciwan û cinîyan kerd û vat: “Ma do pîya çerxê nê sîstemî bişiknê. Vera kesê ke sibaroja ma reyde kay kenê, bi sloganê 'Newebîyayîşê Ciwanan' ma do vajê ‘ma tîya de yê’. Ma seba kongreyê xo yo ke do 24ê Kanûne de roja Yewşeme Amed de bêro organîzekerdiş rê amade yê. Ma paweyê heme embaz û dostanê xo yê ciwan û şarê xo yê ke tewrê kongre bibê."