AMED - Tepişteya sîyasî Saadet Akine şîîra bi nameyê "Îskender" ê şaîre Selver Yildirim kerd deyîre û vat. 

 

Tepişteyê sîyasî 27ê Teşrîna Peyêne de semedê paştdayîşê hamleyê "Semedê Abdullah Ocalanî azadî, problemê kurdî rê çareserîya sîyasî" dest bi grevê vêşanîye yê dore kerdî. Çalakîyê grevê vêşanîye dewam kenê û bi rayîrê keye û avûkatanê xo mesajê xo şirawenê. Tepişteya sîyasî Saadet Akina ke Zîndanê Cinîyan ê Sîncanî de bi rayîrê telefonî, keyeyê xo rê deyîra newe ya viraşte pare kerd.

 

Saadet Akine bi nêzdîyê 9 serran o zîndan de ya. Serdemê 8ê Teşrîna Peyêne 2018 de demê Leyla Guven dest bi grevê vêşanîye kerdibî, demêk  derg Saadete grev de mendebî. Verê zî deyîra bi nameyê "Jîna" ye serê Jîna Emînî hetê rejîmê Îranî ra amebî qetilkerdiş viraştebî. Tepişteya sîyasî Saadete na rey zî şîîra bi nameyê "Îskender" ya şaîre Selver Yildirim kerd deyîre û vat.