Elfazî Toral

 

STENBOL - Hemseka Pêroyî ya ÎHDyî Eren Keskîne da zanayîş ke Pêkerdişê Stenbolî destkewtişê têkoşînê cinîye yo û wina vat: “Kurdistan û Tirkîya de têkoşînê tewr gird cinî danî. Têgêrayîşê Kurd û têgêrayîşê cinîyan zaf muhîm ê. Têkoşînê cinîyan do qet nêqedîyo.” 

 

Hêrişê hemverê destkewtiş û heqanê cinîyan dewam kenî. Polîtîkayê AKP-MHPyî yê dişmenîya cinîye zî bêmaben dewam keno. Serekkomarê AKPyî Tayyîp Erdogano ke şewêk de Pêkerdişê Stenbolî fesh kerd, îdîa keno ke kiştişê cinîyan çinî yo û bi polîtîkayê bêcezaverdayîşî kerdox, kiştoxê cinîyan xelat keno. Dimayê qerarê bêcezaverdayîşî cinî raşteyan de têkoşînê xo dewam kenî. Rêxistinê Cinîyan û Baroyan muracatê Daniştayî dayî û vatî wa qerar bêro vindarnayîş. 

 

Roja ke Pêkerdiş ame feshkerdiş ra nata cinî têkoşînê xo ra gamêk tepîya nêerzenê. Bi çalakî û bernameyan muhîmîya Pêkerdişê Stenbolî vanî û dîyar kenê ke fek pêkerdişî ra nêverdenê. Nê bernameyan ra yew zî panele bi sernameyê ‘Pêkerdişê Stenbolî û dimayê ci’ ke 24ê Kanûna 2023yî de Beyogluyî de Karşi Sanatî de pê ameybî yo. Hemsereka Pêroyî ya Heqanê Merdiman (ÎHD) Eren Keskîna ke tewrê panelî bî JINNEWSî rê qisey kerd. 

 

Bi cinîyan reyde paştîdayîş mîyan de yî 

 

Erene da zanayîş ke sey Ofîsê Hetkarîya Huqûqî yê Vera Destkewtişî û Hêrişanê Cînsî yê Destbendkerdişî de 1997î ra heta nika paştîdayîş danî cinîyan û vat: “Ma paştîdayîş danî cinîyê ke îşkenceyê cînsî bi înan ameyo kerdiş. Hem metnê huqûqî de û hem zî şîdetê hemverê cinîye de bedilnayîş çinî yo. Serra 1997î ra heta nika raybazê ke dewlete înan taqîp kena de tu bedilnayîş nêvirazîyayo. Pêkerdişê Stenbolî ra ver bi têkoşînê girdi cinîyan Qanûnê Cezaya Tirke ke tede xeylê nuqta ziyifî zî pê ame. Dima ra bi cehdkerdiş û têkoşînî Pêkerdişê Stenbolî ame îmzekerdiş.” 

 

10 serrî ra tepîya çi semedî ra Pêkerdiş tepîya ancîya? 

 

Erene ard ziwan ke Pêkerdişê Stenbolî netîceyê têkoşînê cinîyan de ame destfînayîş û wina vat: “Pêkerdişê Stenbolî destkewtişê têkoşînê cinîyan o. Coğrafyaya ma de tesîrê têkoşînî xeylê zêde yo. Bi taybtî zî coğrafyaya Kurdistanî. 10 serrî ra tepîya çi semedî ra eynî hukmat eynî kesê ke pêkerdişî tesdîq kerdbî fesh kerdî. Qey wina kerd? Sebebê nê averberdişî tepîyaşîyayîş o. Ma zanê nê munaqaşa bikerî. No pêkerdiş polîtîk o.” 

 

Ma bi qerardarî tepîya game nêerzenê! 

 

Erene dîyar kerd ke îqtîdar wazeno cinîyan hepse keyeyî bikero û wina dewam kerd: “Dewlete nê çîyî wazena. Wazena cinî hîna zêde domanan bîyara dinya. Wazena waştişê cinîyan verê çiman de nêrî tepiştiş. La cinî derheqê bedene xo de eşkenê qerar bigêrî. Tu kes nêeşkeno çîyêk bikero. Îqtîdar zîhnîyetê feodal komelî de vila keno. La êdî têkoşînê cinîye destur nêdano nê çîyî. Do Pêkerdişê Stenbolî newe ra bêro.” 

 

Têgêrayîşê cinîyan ê Kurd muhm o… 

 

Erene qiiseykerdişê xo yê peyênan de wina vat: “Kurdistan û Tirkîya de cinîyê ke têkoşîn kenê est î. Cinî vera heme tedayan tepîya game nêerzena. Cinîyan 8ê Adare û 25ê Teşrîna Peyêne de tepîya game nêeştî. Vera tedaya dewlete de têkoşîn rayîr ra benî. Coka ra ez xeylê muhîmî dana têkoşînê Kurd, têgêrayîşê cinîyan ê Kurd. Coka ra têkoşînê cinîyan peynî nêbeno.”