Rabîa Onver

 

COLEMÊRG - Gever de dimayê 8 serrî merdimê kesê vînîbîyayeyan ke aqûbetê înan nîno zanayîş dest bi çalakîya ‘Wa vînîbîyaye bêrî dîyîş, şikdar bêrê muhakemenkerdiş’ kerdî.

 

Hemsereka ÎHDyî ya Colemêrgî Sîbel Çapraze derheqê çalakîye de qisey kerd û da zanayîş ke do paştîya têkoşînê heqdar de bî. 

 

Komeleya Heqanê Merdiman (ÎHD) ya Colemêrgî û merdimê kesê vînîbîyayeyan ke aqûbetê înan nîno zanayîş dimayê 8 serrî newera dest bi çalakîya persayîşê aqûbetê vînîbîyayeyan kerdî. Gever de serra 2016î ra tepîya, dimayê xoverdayîşê rayîrberîyê xoserî çalakî û bername ameyî qedexekerdiş. Çalakîya merdimê vînîbîyayeyan ke xeylê bajaran de ameyêne rayîr ra berdiş Gever de serra 99î ra heta 2015î bêmaben dewam kerd. Çalakîya peynî serra 2023yî de newe ra dest pêkerd. 

 

Hemsereka ÎHDyî ya Colemêrgî Sîbel Çapraze derheqê çalakîye de qisey kerd û da zanayîş ke do paştîya têkoşînê heqdar de bî. 

 

Dimayê 8 serran newera 

 

Sîbele da zanayîş ke çalakîya înan ya ke bi sloganê ‘Wa vînîbîyaye bêrî dîyîş, şikdar bêrî muhakemekerdiş’ destpêekrd serra 2015î de pê ameybî û û vat: “Colemêrg de dimayê qewimîyayîşan 8 serran ma maben da. Ma qedexeyan vera çalakî û aktîvîteyan nêeşka rayîr ra bibî. Dima ra ma reyna destpêkerd. Colemêrg de 80 kiştişê vînîbîyaye yê ke aqûbetê înan nîna zanayîş est o.” 

 

Ganî şikdar cezaya ke ganî bêra dayîş bêgîrê 

 

Sîbele qiseykerdişê xo wina dewam kerd: “Kerdox dîyar ê. Bi serran dewayê ke dewam kenê kewenê verê demvîyartişî. Xeylê dewa serê înan ame girewtiş. Tay zî hema dewam kenê. Hedef û amancê merdimanê vînîbîyayeyan est o. Wazenê şikdar bêrî muhakemekerdiş. Coka ra dimayê 8 serran ma reyna çalakîya xo da destpêkerdiş. Ma têkoşînê huqûq û heqî de qerdar ê. Ma do kişta înan de ca bigîrê. Tirkîya 17 hezar kiştişê kerdoxê nêdîyar est ê. 17 hezarî keyeyî têkoşîn kenê. Xeylêk keyeyî hema esteyê merdimanê xo nêdîyê. Bi serran o waştişê înan oyo ke esteyanê xo bivînê û şikdarî bêrê cezakerdiş.”

 

‘Ma do kîşte têkoşînê heqdar bê’ 

 

Sîbele wina peynî ard: “Merdimê vînîbîyayeyan semedê merdimanê xo têkoşîn kenê. Ma do sey şubeyê ÎHDyê Colemêrgî çalakîya xo ya bi şîarê ‘wa vînîbîyayeyî bêrê vînayîş şikdarî bêrê muhakemekerdiş’ heta peynî rayîr ra berê. Ma do raşteyan de bê. Semedê şikdarî bêrê muhakemekerdiş, ma do her ca de bê. Ma do kîşte têkoşînê heqdar de bê.”