Yeşîm Oruç

 

MERKEZÊ XEBERAN - Goreyê çeteleyê şîdetî yê aşma Kanûne 27 cinî û 2 tutî ameyî qetilkerdiş, 15 cinî û 4 tutî zî bi şik dinyaya xo bedelnayî.

 

Kurdistan û Tirkîya de dayeyê derheqê şîdetê hemverê cinîyan û qetilkerdişê cinîyan rastî nêmojneno ra û hûmare hîna zêdeyêr a. Qetilkerdişê cinîyan û şîdetê hemverê cinîyan bi polîtîka û vatişê îqtîdarî rê girêdaye yê. Polîtîkaya bêcezaverdayîşê zî  rayîr ver bi qetilkerdiş û şîdetî akenê.

 

Vengê cinîyê herêma erdlerzî nîno eşnawitiş

 

Pêwa şert û mercê xirabî yê herêma erdlerzî paştdayîşê mabêne cinîyan de pîl bî, pêwa nê zî bî  hedefê îqtîdar û camêrdan. Bi xususî Adare de şîdetê hemverê cinîyan zêde bî. Semedê kêmasîya mekanîzmayan cinîyan nêeşkayî gerre bikerê û vengê xo berz bikerê. Eynî wextî de herêma erdlerzî de tutî zî para xo şîdetî ra gênê û bi her hawayî bêpawitiş ameyî verdayîş.

 

Goreyê dayeyê ajansê ma yê aşma Kanûne, 27 cinî û 2 tutî ameyê qetilkerdiş, 15 cinî û 4 tutî bişik dinyaya xo bedelnayê.

 

Cinî tewr zêde Anqara û Îzmîr de ameyê qetilkerdiş

 

Anqara 5, Îzmîr de 4, Afyon de 3, Mersîn de 2, Mêrdîn de 1, Kocaelî de 1, Bursa de 1, Amed de 1, Konya de 1, Tekîrdag de 1, Edîrne de 1, Manîsa de 1, Bayburt de 1, Zonguldak de 1, Wan de 1, Osmanîye de 1, Aydin de 1 cinîyêke ameye qetilkerdiş.