Zelal Tunç

 

WAN - Hemsereka DEM Partîya Wanî Gonul Uzunay xebatê prosesê muracatê vernamzedî ercna û wina vat: “Bi paştdayîşî dora vernamzetan aver şina û sere de şaredarîya bajarê girdî, ma talibê 13 şaredarîyanê Wanî yê. Ma bi îdiayê ke ma hêzê xo şarî ra cinîyan û embazanê xo ra gênê.” 

 

Çarçewaya weçînayîşê herêmî yê 31ê Adare de Wan û qezayê ci amadekarî vînenê. Hemsereka DEM Partîya Wanî Gonul Uzunay derheqê xebatan de ajansê ma rê qisey kerd.

 

Gonule da zanayîş ke dimayê muracatê vernamzetî, xebatî bi prosesê mulakat û propagandayî dewam kenê û vat, DEM Partî merkez û qezayan de xebatanê xo bê mabên kena. Gonule bale ant serê muhûmîya weçînayîşan û vat, hedefê înan o yo ke  şaredarîyê binê xespê qeyûmî de yê peyser bigîrê.

 

Muracatê delegasyonî dewam kenê

 

Gonule dîyar kerd ke xebatê weçînayîşî Wan de dewam kenê û vat: “Dimayê muracatê vernamzedî prosesê bi mulakat û prosesê propagandayî dewam keno. Prosesê propagandaya vernamzedan, muracatê delegasyonan dest pêkerdî. Hevalê îdarekarîyê merkez û qezeyan dest bi newekerdişê lîsteyî kerdî. Ancî hevalê ke xebatê weçînayîşî de ca gênê û wezîfedarê sindoqanê do bêrê têhet.”

 

‘Sîstemê ma de cinî muxatab ê’

 

Gonule dîyar kerd ke bi taybetî îdarekarîyê herêmî û her wareyê cuye de ca girewtişê cinîyan muhîm o û wina vat: “Semedê reng, vatiş û nasnameyê cinî îdarekarîyê herêmî de ca bigîrê, ma sîstemê hemserekî û fermuarî ca ard. Sîstemê ma de muxatab cinî yê. Cinîyan muracatê bernamzetî de dayî werte ke herême de muxatab ê. Qeyûmî destkewtişê cinîyan hedef girewt. Weçînayîşan de newe ra vînayîşê îradeyê cinî xeylêk muhîm o. Semedê hemşaredarî tenê 15 cinî muracat kerdî. Muracatî zaf baş bî. AKP bi polîtîkayê dişminî, hêrişê îradeyê îradeyê cinî keno. No semed ra ca girewtişê cinîyan mîyanê partî de xeylêk muhîm o.”

 

‘Ma hêzê xo cinîyan ra gênê’

 

Gonule peynîya qiseykerdişê xo de dîyar ke Wan û qezayanê ci talîbî pêro şaredarîyan ê û wina qedêna: “Bi paştdayîşê dorê vernamzetan aver şino. Sere de şaredarîya bajarê pîlî de ma talib ê 13 şaredarîyanê Wanî yê. Ma bi îdiayê ma hêzê xo şar, cinîyan û hevalanê xo ra gênê.”