AMED - Demê xebatê viyadûkî yê qezaya Pasûrî de dînamîtî ameyî teqênayîş. Semedê teqênayîşê dînamîtan, zirar resa Pirda Geliyê Goderneyî ya tarîxî. 

 

Demê karê viraştişê viyadûkî yê 9ine Midûrîyê Herême yê Rayîrî yê Amedî de dînamîtî ameyî teqênayîş. Semedê teqênayîşê dînamîtan, zirar resa pirda tarîxî ya Geliyê Goderneyî. Midûrîyê Herême yê Rayîrî nêzdîyê dewa Geliyê Goderneyî ya Pasûrî de xebatê viyadukî yê bi dergîya 700 metreyan ke do qezeyanê Farqîn, Hezro, Lice yê Amedî û qezaya Gimgimî ya Mûşî girêdayê yewbînan bikero da destpêkerdiş û di demê xebatan de dînamîtî ameyî teqênayîş. Semedê teqênayîşê dînamîtan, zirar resa pirda tarîxî ya Geliyê Goderneyî. 

 

Semedo ke zirar resa pirda tarîxî, rayîr şîyîş û ameyîşî rê ameyî padayîş. 

 

Pirda tarîxî nameyê xo dewa Geliyê Goderneyî ra gêna û serê Çemê Sarime de ya. Pirda tarîxî ke qezeyanê Pasûr, Farqîn û Hezroyî yewbînan rê girê dana, serdemê Abdulhamîtê 2ine de ameya viraştiş. Mîmariya pirde şibîyena Pirda Malabadî ya Farqînî. Pirde, sîyê vakurê dewe yê bi hawayêkê taybet ameya amadekerdiş û viraştiş.