MERKEZÊ XEBERAN - Komeleya Dihola ya Şingalî bi sloganê ‘Pawitoxnameyê mi kam ca de bibî ez uca de ya’ kitabê Rayberê PKKyî Abdullah Ocalanî ameyî wendiş û ercnayîş ameyî kerdiş. Endama Meclîsê Diholayî Heyîder Hesene vat ke çend merdim Abdullah Ocalanî biwano çîyê newe vîneno, fikir û felsefeyêke winasî eşkeno dinya bibedelno.

 

Pêroyê Şingalî de çarçeweya hemleya ‘Rayber Apo rê azadî Şingal rê Xoserî’ ke hetê Rayîrberîyê Xoser ê Şingalî ra dîyabî destpêkerdiş de do 7 rojan kitabê Rayberê PKKyî Abdullah Ocalanî bêrê wendiş û munaqaşa bêrê kerdiş. Roja 21ê Çeleyî de bi sloganê ‘Pawitoxnameyê mi kam ca de bibê ez uca de ya’ hemleya wendişê kitab û pawitoxnameyê Abdullah Ocalanî dîya destpêkerdiş. 

 

Na çarçewa de komeleya Dihola ya Şingalî bi amancê wendişê kitaban kombîyayîşêk hemleyêk da destpêkerdiş. Kombîyayîş de endamê heme dezgeh û dezgehê Rayîrberîyê Xoser ê Komeleya Dihola û Borikî amade bî. Kombîyayîş bi deqeyêke rêzgirewtişî dest pêkerd. Dima ra fikre Rayberê PKKyî Abdullah Ocalanî ameyî goşdarîkerdiş û ercnayîş ameyî kerdiş. 

 

Kesê ke tewrê kombîyayîşî bîyî ercnayîşan de ardî ziwan eke fikrêk winasî yê nizdîyê êzidîyatî ra nêbayêne do fermanê serra 2014î de hewarîya înan de nêameyêne û do binî ra çinî bibayêne. La wa her kes bizano ke wexto ke komelêk xo serê fikrê Serek Apoyî de perwerde bikero û roşn bikero, rijnayîşê nê komelî do zehmet bibo. 

 

Na çarçewa de endama Meclîsê komelgehê Diholayî Heyîder Hesene qisey kerd û vat: “Merdim çend Rayberî biwano, hende çîyê newe vîneno. Ma sey şarê Şingalî xo binê Veristîya Netewê Demokratîk ke xo fikrê Rayber Apoyî de perwerde û zana kerdo de yê. La no çî hema seba ma heme şarê Şingalî lazim o. Çike her vatişêk Rayber Apoyî manayêk xo yê girêdayeyê tarîxî est o.” 

 

Hesen Heyîdere dîyar kerd ke ganî her wext dezgeh û dezgehê Rayîrberîyê Xoser de wendişê fikir û fehmê Abdullah Ocalanî bibo û ê binê banê nê çîyî de rêxistinkerde yê la no tena mird nêkeno. Hesene qiseykerdişê xo yê peyênan de wina vat: “Ma sey meclîsî êdî wezîfeyo ke keweno milê ma ser, çîyo ke ma fehm kerd, ganî ma mîyanê komelê xo de vila bikerê. Çike bi seyan serrî yo ke komel bê perwerde ameyo verdayîş û êdî ma do zî wezîfeyê perwerdekerdişê komelê xo bîyarê ca. Ma sey şarê Şingalî xo deyndaarê Serek Apoyî vînenê. Ma zî tîya de soz danê ke heta azadîya fîzîkî ya Rayberîyê xo serê payan de bê û qet gamêke tepîya nêerzê.” 

 

Kombîyayîşo ke qasê 3 saetan dewam kerd bi sloganê ‘Bi can bi gonî ma to bi to reydeyî Serek’, ‘Bê Serek cuye nêbena’ peynî bî.