ÎZMÎR - Kesê bi nameyê Yûsûf Yilmaz cinîya xo Derya Uzellî Yilmaz ke qonaxê yewbînan verayîş de bî, bi giranî birîndar kerd û kênaya xo ya 4 serrî Lînda Yilmaz û vistewra xo qetil kerd. 

 

Doç. Dr. Yûsûf Yilmaz (38) ke qezaya Bornova ya Îzmîrî perwerdekar bi, cinîya xo Doç. Dr. Derya Uzellî Yilmaz (38) ke qonaxa yewbînanveradayîş de bî, bi çeke bi giranî birîndar kerd û kênaya xo ya 4 serrî Lînda Yilmaz û xo ya Dîlek Uzellî (61) zî qetil kerd. Yûsûfî, bi eynî çeke întîhar kerd. Dimayê îxbarî, cayê hedîse polîs û komê weşîye ameyî sewqkerdiş. Cigêrayîşê ewilî de vejîya werte ke Lînda Yilmaz û Dîlek Uzellî dinyaya xo bedelnayê. Ame zanayîş ke rewşa Derya Uzellî Yilmaz ke wedarnayî nêweşxane zî giran a. 

 

Serê Yûsûf Yilmazî de 4 çekê bêruxset vejîyayî û derheqê hedîse de cipersayîş ame destpêkerdiş.