Gulîstan Gulmuş

 

AMED - Nuştoxe Gulistan Kanîrêşe qiseykerdişê xo de bale ant serê kitabê xo yê peynî "Sonda Delalê" û vat: "Tena mexdûrîyetê cinîyan nê xoverdayîşê cinîyan kitab de ameyo vatiş. Çike cinîyan her raşte û têkoşînê 40 serrî de her bedelê giran da û serkîşîya nê têkoşînî kerdê." 

 

Romanê newî yê bi nameyê "Sonda Delalê" yê Gulistan Kanîrêşe vejîya. Gulîstane kitabê xo de qala cuya cinîyanê kurdan bi şexsîyetê Delale vat. Kitab 180 rîpelî ra pê yeno û Gulistane wazena nuşteyê aye, cinîyanê kurdan rê îlham bibo. 

 

Gulîstane sebebê keyeyî vera emrê şenikîye de mecbur menda ke Ewropa de bi ca biba. Eleqeyê Gulîstane yê bi kurdî, wexto ke kalikê aye dengbêjî kerdêne destpêkerda. Gulîstane nê meraqî xo vera demêk rojnameyê Welatî de xebetîyena, dima ra bi fikrê ke cinî têkoşînê 40 serrî de problemê kurdî de xeylê raşteyan de serkêşîye kerda û xeylê çîyan bedilnaya, qerar da ke dest bi nuştişî bikera. 

 

Gulistane derheqê kitabê xo de ajansê ma JINNEWSî rê qisey kerd. 

 

Gulistane dîyar kerd ke kitab de mexdurîyetê cinîyan nê xoverdayîşê cinîyan ameyo vatiş û vat: "Kitabê 'Sonda Delalê’ hîkayeya cinîyanê Kurdistanî yo. Her çend ke ez emrê xo yê şenikîye de şêra Ewropa zî her tim hîkayeyê cinîyê kurdî û Kurdistanî vîrê mi de bî. Mi hertim waştêne hîkayeya Delale binusa. Hîkayeya Delalê tena mexdurîyet nîyo. Kişta mexdurîyetî de xoverdayîş û serkewtiş zî est o. Hîkayeya Delalê de hem dej û hem zî serewedarnayîş est o." 

 

Gulistane qiseykerdişê xo de wina bale ant serê felsefeya "Jin jiyan azadî" û wina dewam kerd: "Cinî her raşte û têkoşînê 40 serrî de her bedelê giran daya û serkêşîya nê têkoşînî kerda. Bi sloganê ‘Jin jiyan azadî’ bî serkêşa azadîye. Cinîyê ke azadîye gêrenê nê sloganî xo rê kerdî serkêş. Mi têgêrayîşê cinîyan û keda cinîyan ra cesaret girewt." 

 

Gulistane qiseylerdişê xo wina peynî kerd: "Cinî kedêke pîl dana. Senî ke her raşteyî de serkêşîye kenê ganî raşteyê kultur, huner, ziwan û edebîyatî de zî serkêşîye bikerê. Cinîye kam ci raşteyî ra serkêşîye bikera, o raşte serkewte beno."