STENBOL - Hemsereka Pêroyî ya ÎHDyî Eren Keskîn şî serdayîşê rojnamegere Esra Solîn Dal a tepiştî û wina vat: “Semedê xeberanê tecrîd û cînayetê cinîyan tepişte ya. Nika tecrîd de yena tepiştiş.” 

 

Hemsereka Pêroyî ya Komeleya Heqê Merdiman (ÎHD) Eren Keskîn şî serdayîşê muxabîra Ajansê Mezopotamyaye (MA) Esra Solîn Dal ê Zîndanî Cinîyan ê Bakirkoyî hucreyî de yena tepiştiş ke 23yê nîsane de ameya destbendkerdiş û dima ra bi îdiayê “endamîya rêxistine” ameya tepiştiş. 

 

Erene, derheqê serdayîşê serê hesabê xo yê medyaya dijîtale Xyî de nê agahî pare kerd: “Mi bi rojnamegere Solîn Dal reyde ke ma xeylêk ci ra hes kenê, Zîndanê Bakirkoyî de pêvînayîş kerd. Seba xebera tecrîdî û cînayetê cinîyan ameye tepiştiş û nika tecrîd de yena tepiştiş. Hem emniyet de hem zî dekewtişê zîndanî de cigêrayîşê zitî ci rê ameyo ferzkerdiş. Rojnamegerêke ê dîstopyayî ya.