Bultena Tecrîdî ya OHDyî de ame parekerdene ke Îmraliyî ra hîrê serrî yo xeberêke nêna girewtene û wina ame vatene: “Îmrali de bêtêkilîyêka mutleqe est a.” 

 

Bultena Tecrîdî ya ke hetê Komeleya Huqûnasan a Seba Azadîye ra 15 rojan de yew weşanîyena, hûmara ci ya 7ine vejîyaye. 

 

Bultene de ame vîrvistene ke tepişteyanê Zîndanê Îmraliyî Rayberê Şarê Kurdî Abdullah Ocalanî, Omer Hayrî Konar, Veysî Aktaş û Hamîlî Yildirimî ra 38 mengî yo xeberêke nêna girewtene. Bultene de ame parekerdene ke Îmrali de 24 serran û 2 mengan ra nata tecrîd, hîrê serran û yew mengan ra nata zî 'bêtêkilîyêka mutleqe' est ê.

 

‘Tecrîd yeno înkarkerdiş’

 

Bultene de bale ameye antene ser ke DEM Partî 7ê kanûna 2023yî de muracatê Wezîrîya Edaletî û Mudirîya Pêroyî ya Zîndanan kerdo la Wezîrîya Edaletî cewabê xo de tecrîd înkar kerdo. 

 

Tecrîd de dîya zanayene ke qaşo Veysî Aktaş 28ê nîsana 2024î de biameyêne veradayene la hetê Heyetê Çimdarîye û Îdareyî ra tehlîyeya ci 1 serre ameye taloqkerdene. Bultene de ame vatene ke bira heyetî xespkerdişê azadîye yo. 

 

Ancî bultene de babetê sey grevê vêşanîye yê tepişteyan, eşkerayîya Serekê CPTyî ya serê zîyaretê Îmraliyî û ercnayîşanê konferansê Parlamentoyê Ewropa yê serê tecrîdî zî cagênê.

 

Yew beşdarê konferansî 11ê nîsane de Parlamentoya Ewropayî ame organîzekerdiş, avûkatanê Baroyê Parîsî Jûan Prosper, serê sewîyeya huqûqî yê tecrîdê Îmraliyî û nêzdîbîyayîşê CPTyî yê hemverê tecrîdê mîyanên ercnayîşê xo kerd.