STENBOL - Derheqê 33 ci ra cinî bi pêroyî 35 kesan de bi sebebê tewrê Rayîrşîyayîşê Şewe yê Femînîstî bîyî, dewa amebî akerdiş û dewa de qerarê beraetî ame dayîş. 

 

8ê Adare Roja Cinîyan ê Dinya de Beyoglû yê Stenbolî de “Rayîrşîyayîşê Şewe yê Femînîstî” ame organîzekerdiş. Bi sebebê tewrbîyayîşê rayîrşîyayîşî derheqê 33 cinîyan de bi pêroyî 35 kesan de dewa ameye akerdiş. Dewa de qerarê beraetî ameye dayîş. Kesê ameyîne muhakemekerdiş bi îdiayê “Muxalefetê hemverê Qanûnê hûmara 2911 ê Rayîrşîyayîşê Kombîyayîş û Protestoyî”, “Seba wezîfe nêdê kerdiş xo ver dayî” û “Zirar dayê malê îstîmlakî” ameyîne muhakemekerdiş û 3 serran heta 10 serran cezaya zîndanî ameyîne waştiş. Roniştişê 10ine ê dewaya 58ine Dadgeha Cezaya Pêroyî ya Stenbolî ame kerdiş.

 

Dozgerê dewa mutalaaya xo de seba her yewî îdiayê “Bêçek tewrê rayîrşîyayîş û prostestoyan teberêqanûnî bîyê û pêwa îqazî zî bi xo vila nêbeno” 6 aşmî 3 serrî cezaya zîndanî waşt. Sewbîna dozgerî seba îdiayê “Seba wezîfe nêdê kerdiş xo ver dayî” û “Zirar dayê keyeyê îstîmlakî” zî vat ke no sûc nêame tespîtkerdiş û seba pêrûne waştişê beraetî kerdibî. 

 

Roniştişê ewro de dadgehe seba temamê versucan qerarê beraetî da.