MERKEZÊ XEBERAN - UNESCOyî Xelata Azadîya Çapemenîye ya Dinya da pêro rojnamegeranê Filistînî yê ke rewşa Gazzeyî ya şeş aşmî zêdeyêr o şerî ra wêran bîyo, taqîb kenê.

 

Serekê Jûriyê Kedkarê Medyayî yê Mîyanneteweyî Maûrîcîo Weîbelî vat: “Nê prosesî ke tarîtî û alozî serdest ê, ma wazenê mesajêk xurt ê paştdayîşî û pîrozkerdişî bidê rojnamegeranê Filistînî yê ke pêwa şert mercê xirabî yê krîzê Filistînî taqîb kenê.”

 

Sewbîna Weîbelî vat: “Merdimayî seba wêrektî û zerrîwazîya înan a azadîya neqlkerdişî rê minetdarê ê rojnamegeran ê.” 

 

Dîrektorê Pêroyî yê UNESCOyî Aûdrey Azoûlayî zî bale ant serê muhîmîya seferberîyê kolektîfî yê rojnamegeran ke seba ke her cayî de erk û berpirsîyarîyê xo yê agahîyê sereke û cigêrayîşî ca bîyarê, bêmabên şuxilênê.

 

Goreyê Komîteyê Pawitişê Rojnamegeran (CPJ) ke merkezê ey New York de yo, 7ê Teşrîna Verêne ra heta nika destpêkê şerê Îsraîl û Hamasî de; 92 ci Filistînî tewr tay 97 rojnamegerî û kedkarê medyayî ameyî kuştiş û 16 zî birîndar bîyî.