Nazlican Nujîn Yildiz

 

ÎZMÎR - Sekretera Huqûqî ya şubeyê Hûmara 2yîn ê Egîtîm Senî ya Îzmîrî Fatma Çayire derheqê pêşnîyazîyê muferedatê neweyî de ercnayîş kerd û vat, seranserê îqtîdarê AKPyî de her wezîrê perwerdeyî yê ameyo, vurnayîşê kerdo û na rewşe bîya sey kay.  

 

Wezaretê Perwerdeyî yê Mîllî (MEB) derheqê dersanê ferzan yê sewîyeya musnayîşî de mufredatê neweyî bi rayaumûmî reyde pare kerd. Ame vatiş ke do pêşnîyazîyê mufredatî demêk serê malperî de bimano û ercnayîş bêrê girewtiş. Mufredat do 2024-2025ine ra dima pê bêro û ame vatiş do serê pêşnîyazî û parekerdişî de bêro revîzekerdiş. Goreyê mufredatî kitabê Zanînê Esasî yê dînî ke do sinifa 9ine de bêro wendiş, yeno vatiş ke ganî hawirê musnayîşî dîjîtal û caardişî, çarçewaya îmkanan de tewrê musnayîşî bêro kerdiş û caardişê ke Wezaretê karê Diyanetî aver berdo zî nimûne ame mojnayîş. Sewbîna têgehê cîhad kewt bernameyê dersa sinifa 12ine. Sewbîna îfadeyê ‘muharebeyê Çanakkaleyî yê cîhadî, prosesê têkoşînê neteweyî û 15ê Tîrmehî’ zî ca gêno. Heto bîn ra dersa dînî sinifa 4ine ra heta 12ine  ferz kerdê.

 

Sekretera Huqûqî yê Şubeyê Hûmara 2yîn ê Egîtîm Senî ya Îzmîrî Fatma Çayir da zanayîş ke AKP bi nê hedef keno ke ciwananê goreyê xo awan bikero û vat hemverê nê de ganî helwestêk hîna rêxistinkerde bêro mojnayîş.

 

 

Mufredatê newe netîceyê vurnayîşî

 

Fatma da zanayîş ke vurnayîşê mufredatî rewşêka newe nîya û 2004ine ra heta nika yeno kerdiş û wina vat: "Di 2017ine de teoriyê evrimî kitabanê dersan ra ame wedaritiş. Vatişê wezîr Yusuf Tekînî yê derheqê ci de est ê. Vano, ‘xelek teorî est ê, çira teorîya evrîmî kitaban de est o. Mi nê hema zî fam nêkerdo'. Ancî eynî kes dewam keno, kultur û ehlaqê îslamî jargonê îslamî pey yewbînan de keno kitaban. No ma şaş nêkeno."

 

 

AKP hewl dano ke ciwananê xo awan bikero

 

Fatma wina dewam kerd: "Na rewşe bi fehmê perwerdeyê gerdunî, azad û roşnayî nêeşkeno bêro ercnayîş. Ma sey  Egîtîm Sen û sendîkayê bînî yê perwerde zî wina ercnayîş nêkenê. Hedefê AKPyî oyo ke ciwananê xo awan bikero. Profîlo ke wazenê bivînê, ê gore têgêrenê û mufredat vurnenê. Polîtîkaya bîyaye ya AKPyî de helwestêk ke zanistî red keno est o. Kesê ke kitaban wanenê, hes nêkenê. AKP cayê cinîyan sey keye vînenê û wezîfeyê înan zî dayîkbîyayîş vîneno. Weqfê sey TUGVA û Ensar, bi cemeat û tarîkatan reyde hemkarî de yê. Goreyê înan no zaf çîyêk makûl o. Hem karî de yê. Wezîr seba mufredatê neweyî her çiqas vajo, ‘Ma bi hetê akademîk reyde hemkarî de yê' zî yan zî ‘komîsyonî ameyê awankerdiş' zî ma zanê ke no wina nîyo."

 

 

Ganî helwestêk hîn rêxistinkerde bêro mojnayîş

 

Fatma peynîya qiseykerdişê xo de vat ganî hemverê nê de helwestêk hîn rêxistinkerde bêro mojnayîş û wina vat: "Ez eşkena vaja ke keyeyî hîn bêveng manenê. Xêrcê embazê ma yê Egîtîm Senî yê bînî zî zêde veng nêkenê. Egîtîm Sen Îzmîr de derheqê nê de xebatan keno. Bêguman demê wina de feydeyêk zî nêvirazîyeno."