STENBOL - Awankerdoxê Weqfê Hîranûrî Yûsûf Ziya Gumuşel ke kênaya xo ya 6 serrî binê nameyê “zewacî” de dabî îstîsmarkerdiş û derheqê babete de dewa amebî akerdiş. Dewa, îstînaf de amebî betalkerdiş û newe ra ameye vînayîş û roniştişê dewa ame taloqkerdiş. 

 

Awankerdoxê Weqfê Hîranûrî yê girêdayeyê Cemaetê Îsmaîlagayî Yûsûf Ziya Gumuşel ke kênaya xo ya 6 serrî H.K.G., binê nameyê “zewacî” de bi “murîdê” xo yê bi nameyê Kadîr Îsteklî reyde bi rayîrê mehrê dînî  “zewicnabî” û desteştiş tute rê ame kerdiş. Derheqê hedîse de dewa amebî akerdiş û cezaya dewa amebî dayîş, hetê Dadgeha îstînafî ra amebî betalkerdiş. Dewa newe ra ameye organîzekerdiş. Roniştişê ewilî yê dewa 2yîn Dadgeha Cezaya Giran ya Stenbolî de ame vînayîş. Roniştiş bi tespîtkerdişê nasnameyan dest pêkerd. Versûc Kadîr Îsteklî û Yûsûf Ziya Gumuşel roniştiş de amade bîyî. Dayîke Fatima Gumuşel ke derheqê aye de qerarê tepiştişî est o, semedo ke hema nêameya tepiştiş, tewrê roniştişî nêbî.

 

Avûkatê versûcan sebeb mojnayî û dadgehe zî roniştişê dewa taloqê 10ê hezîrane kerd.