ÎDIR - 1ine roniştişê dewaya 6 camêrdê ke bi aşman desteştiş tutêke rê kerdibî û bi şantaj û tehdîdan fuhuş ci rê dabî kerdiş, do 10ê Gulane de bêro vînayîş.

 

Merkezê Îdirî de 19ê Teşrîna Verêne 2023ine de vejîya werte ke desteştiş tute rê ameyo kerdiş û dima ra zî bi şantaj û tehdîdan fuhûş ci rê ameyo ferzkerdiş. Tewr peyîn 27ê Êlule 2023ine de tute şina Midurûyetê Polîsan ê Îdirî û qalê çîyê ke ciwîyaya kena. Tute derheqê kerdoxan de gerre kerdibî. Tuta ke îfade da emnîyet û dozgerîye, dîyar kerd ke 6 camêrdî nêzdîyê 4-5 aşman desteştişî aye rê kerdê û bi şantaj fuhuş aye rê ferz kerdê.

 

Derheqê kerdoxan de gerre kerdebî

 

Tute îfadeyê xo de dîyar kerd ke  Ferhat Angay, Onur Begeç, Vedat Gîden, Boran Yildiz, Murat Altun û Alîcan Begeç desteştiş aye rê kerdê. Dimayê îfadeyê dozgerî Onûr Begeç, Alîcan Begeç, Vedat Gîden û Mûrat Altûn bi sûcê “Hêrişê cinsî yê hemverê tute" 27ê Êlule 2023ine de ameyî tepiştiş û înan şirawitî Zîndanê Tîpê Syê Îdirî. Sewbîna kerdox Ferhat Angay zî bi şertê “Kontrolê edlî” serbest amebi veradayîş.

 

Derheqê kerdoxêk de qerarê cigêrayîşî

 

Dimayê ke hedîse vejîya werte, cipersayîş ame destpêkerdiş û dima ra îdîaname ame amadekerdiş. Derheqê kerdox Alî Begeç, Boran Yildiz, Ferhat Angay, Mûrat Altûn, Onûr Begeç û Vedat Gûden de bi sûcê “Desteştişê hemverê tute" îdîanameyêke 6 rîpelê pê yeno ame amadekerdiş. Îdîaname Dadgeha Cezaya Giran reyde ame şirawitiş û ame qebûlkerdiş. Eynî demî de îdîanameyî de derheqê kerdox kiryar Boran Yildiz de teşrîna verêne 2023ine de qerarê cigêrayîşî ame vetiş, la hema nêameyo tepiştiş.

 

1ine roniştiş do 10ê  Gulane, 2yîn  Dadgeha Cezaya Giran ya Îdirî de saet 09.00ine de bêro vînayîş.