Mîdye Miqted

 

ŞEHBA - Endama Kongra Starî ya Wargehê Berxwedan ê multecîyan Heyat Îbrahîm bale ant serê  zehmetîyê kampan û têkoşînê hemverê zehmetîyan û wina vat: "Koçberî seba astengîyê bîyaye, astengîyê newe ancenê. Wexto ke ma vanê ma cuya xo dewam kenê, lazimîya ma bi her tewir cuye est o. Ganî rêxistinê mîyanneteweyî bi taybetî wayîrê milletê sey me yê koçberan vejîyê."

 

Welatijê bajarê Efrînî, dimayê ke Efrîn kewt binê kontrolê dewleta tirkan û komê girêdayeyê ci, herre û mala xo ra bîyî. 18ê Adara 2018ine de welatijê Efrînî koçberê kantonê Şehbayî bîyî, dimayê koçberîya înan, xeylêk astengî ciwîyayî. Bi kiştiş û qirkerdişî reyde rî bi rî ameyî verdayîş. Hetêk ra hêrişê dewleta tirkan û komê girêdayeyê aye reyde rî bi rî manenê, heto bîn ra zî ambargoyê hukmatê Şamî reyde rî bi rî manenê. Hemverê nê de têkoşînê cuye yê welatijê Efrînî yê kampê Şehbayî dewam keno. 

 

Endama Kongra Starî ya Wargehê Berxwedanî yê multecîyan Heyat Îbrahîm bale ant serê zehmetîyê kampan de vejîyenê hemverê multecîyan û têkoşînê hemverê zehmetîyan

 

'Mîyanê kampan de ma rêxistina xo dayo awankerdiş'

 

Heyat Îbrahîm destpêkê qiseykerdişê xo de bale ant  serê kar û xebata Kongra Starî ya seba averşîyayîşê cinîyan û wina vat: "Mîyanê kampa multecîyan de zî  ma rêxistina xo, rêxistina Kongra Starî daya awankerdiş. No çî seba birêxistinkerdişî, pawitiş û averşîyayîşê cinî yo. Sewbîna ma do senî hemverê problemî de bibê çareserî, ma nê ser de zî xo bi rêxistin kenê."

 

'Ambargoyê Hukmatê Şamî beno sebebê astengîyan'

 

Heyate derheqê zehmetîyê ke cinî mîyanê kampan de ancenê qal kerd û vat: "No bî 6 serrî û 5 aşmî yo ma koçberê Kantonê Şehbayî bîyî û cayê xo Kampa Berxwedanî de gênê. Tîya de nê wargehan de debara cuye xeylêk zehmet a. Weykerdişê tutanê keyeyî de xeylêk astengî yenê derbazkerdiş. Bi taybetî mîyanê na aşme de cinî ramitişî reyde eleqedar benê, coka tutanê xo yê qijan keye de vindarnenê ke seba bi rayîrê ramitişî û paleyî debara keyeyî bikerê. Çîyo ke verdeno ma biresê na sewîya,  ambargoyê hukmatê Şamî yo. A ke destpêkê koçberî ma ser de danê ferzkerdiş."

 

'Vayîye û bêkarî dewam kena'

 

Derheqê ambargoyê bîyaye, astengî û aloziyan de Heyate wina vat: "Ambargoyê hukmatê Şamî heta roja ma ya ewro serê ma de dewam o la ganî nê rêxistinê ke heqê merdiman ê, reyke verê xo bidayîne ma û wayîrê ma bivejîyayîne. Semedo ke ma her tewir astengî ancenê. Hetê nêbîyayîşê gazî, sotemenî û nêweşbîyayîşî tutan de ma xelêk astengî ancenê. Bi xeylêk astengîyan derman yeno peydakerdiş û her keyeyêk de eke cinî û camêrdî pîya nêbê hetkar, rewşa keyeyî baş nîya, seba lazimîyê tutan bi xeylêk çîyan est a la nîna peydakerdiş seba vayîya ci û bêkarîya ke dewam kena."

 

'Rêxistina UNICEFî awe serê her çar wargehan de birna'

 

Heyate eşkera kerd ke zehmetîyê tewr pîl ewro seba ê mîyanê kampan de ciwîyenê, vînenê û nînan ra tewr zehmet zî nêbîyayîşê awe yo. Semedo ke no demêk o rêxistina UNICEFî awe serê her çar wargehanê kantonê Şehbayî de birnaya. Heyate wina dewam kerd: "Netîce de koçberî seba astengîyê bîyaye, astengîyê newe ancenê. Wexto ke ma vanê ma cuya xo dewam kenê, lazimîya ma bi her tewirê cuye est o. Ganî rêxistinê mîyanneteweyî bi taybetî wayîrê milletê sey ma yê koçberan vejîyê."