STENBOL - Rojnamegere Esra Solîn Dala ke Zîndanê Padaye yê Cinîyan ê Bakirkoyî de hucre de yena tepiştiş û vat, "Roja ke mi ardê tîya hucreya yew kesî de yena tecrîdkerdiş. Pêwa ke mi xeylêk reyan kitab waşto zî waştişê mi ca nêardê. Pêwa ke mi 2 rey waştişname nuştîbî ke mi bigîrê qawîşe zî cewabêk ne nuşteyî û ne zî fekî nêdayî mi."

 

 9 rojnamegerê ke 23yê Nîsane de Stenbol de amebî destbendkerdiş,muxabîrê Ajansê Mezopotamyaye (MA) Mehmet Aslan û Esra Solîn Dal û rojnameger Erdogan Alayumat 26ê Nîsane de bi sebebê "endamîya rêxistine" amebî tepiştiş. Muxabîra MAyî Esra Solîn Dal ke roja ke ameye tepiştiş û nata Zîndanê Cinîyan ê Bakirkoyî de hucreyê yew kesî de yena tepiştiş, prosesê destbendkerdişî û şert û mercê zîndanî bi rayîrê avûkatanê xo vat.

 

 'Ez bîya hedef'

 

 Rojnamegere Esra Solîne wina vat: “23ê Nîsane de eştîî serê keyeyê mi û ez ameya destbendkerdiş û dima ra zî ameya tepiştiş. Destbendkerdiş de bi muameleyê xirab reyde rî bi rî menda. Min û embazanê mi berdî nêweşxaneyê cîya û xêrcê ke ez cîya menda, destûr nêdayî ke yew vatişêk zî bi embazanê xo reyde qisey bikerî. Semedo ke mi dîyar kerd ke ez bê avûkatê xo qisey nêkena, mi bi helwestê rêxistine sûcdar kerdî. Dadgehe de zî bi eynî  helwestê cîyayî reyde rî bi rî menda.  Dadgerî heqê min ê bêvengîye sey suc dî û mi pê sûcdar kerd."

 

 'Mi rê cigêrayîşê zitî kerdî'

 

 Mi 27ê nîsana 2024ine de ardî Zîndanê Bakirkoyî. Bi şewe gama bi hawayêkê asayî cigêrayîş kerdî, gardîyanan binê nameyê 'cigêrayîşê hîra' de cigêrayîşê zitî mi rê ferz kerdî. Gama ke mi vat, cigêrayîşê zitî sûc o û ez qebûl nêkena, mi ra vatî, no zitî nîyo û pêşmalkêke sîya yê emelîyatî dayî mi û bi no hawa cigêrayîşê zitî mi rê ferz kerdî. Roja ke mi ardê tîya, ez hucreya yew kesî de yena tecrîdkerdiş. Mi xeylêk rey kitabî waştî la hema zî nêdayê mi. Seba derbazê qawîşe bibî, mi di rey waştişname nuşt la ne fekî û ne zî bi nuşteyî cewab nêdayî mi."