STENBOL - Roniştişê qerarê dewaya xebatkaranê rojnameyê Ozgurlukçu Demokrasiyî ame kerdiş. Dadgehe cezaya zîndanî da 5 rojnamegeran. 

 

 Rojnameyê Ozgurlukçu Demokrasîyî bi KHKyî amebi padayîş û derheqê 6 rojnamegerî û vilakerdoxêk rojnameyî de dewa amebî akerdiş. Roniştişê qerarê ke  rojnamegerî bi îdiayê “endamîya rêxistine”, “propagandayê rêxistine”, “kîn û nefret mîyanê şarî de vila kerdê" û “pesnê sûc û sûcdar dayê” yenê sucdarkerdiş, 23îne Dadgeha Cezaya Giran ya Stenbolî de ame kerdiş. Avûkat Sercan Korkmaz û Ozcan Kiliç dewa de amade bîyî. 

 

 Heyetê dadgehe seba xebatkara rojnameyî Mizgîn Fendîke qerarê beraetî da û dosyaya Pinar Tarlak zî bi sebebê ke dosyayêke aye cîya dewam kena, dosya aye ameye cîyakerdiş.  

 

 Ceza birnayî

 

 Heyetê dadgehe bi îdiayê “hetkarê dayo rêxistine” 3 serrî û 9 aşmî cezaya zîndanî da Mehmet Alî Çelebî. Bi eynî sebebî rojnamegere Reyhan Hacioglû, Îhsan Yaşar, Îshak Yasul û Hîcran Urun zî 3 serrî û aşmêke û 15 rojî cezaya zîndanî da.

 

Eynî wextî de qedexeyê tebervejîyayîşê teberê welatî yê rojnamegeran zî ame wedaritiş.