Mîdye Miqted

 

 

ŞEHBA - Îdarekara Baxçeyê Tutan,  Velantîne Bekir derheqê muhîmîyê akerdişê Baxçeyê Tutan de, da zanayîş ke seba pawitişê tutan, Baxçeyê :Tutan ameyo akerdiş û wina vat: "Heta ma eşkenê xebera ma tutan ra est a û ma ercêk giran danê înan. Madem seba tutan îmkanêk winasî ameyo dayîş, ganî ma zî wayîrê karê ke ma kenê vejîyê."

 

Tarîxê 24ê Nîsane de qezaya Til Rifetî ya kantonê Şehbayî de Baxçeyê Tutan ame akerdiş. Nêzdîyê 11 tutî yenê Baxçeyê Tutan. Emrê înan zî 4 serrî heta 6 serrî yo. Îdarekarîya Baxçeyê Tutan ra, Velantîne Bekir derheqê muhîmîya akerdişê Baxçeyê Tutan de wina vat: "Seba ke dayîke zî seba ablûqakerdişê bîyaye seba ke debara keyeyê xo bikerê, kar kenê seba ke tutî zî hêrişê dewleta tirkan ra bêrê pawitiş, ma baxçeyêk seba tutan akerd. Seba ke ma pawitişê înan bikerê."

 

'Bi ekonomîyêke komînal baxçe yeno îdarekerdiş'

 

Îdarekara Baxçeyê Tutan, Velantîne Bekir derheqê muhîmîyê akerdişê Baxçeyê Tutan de qiseykerdişê xo ajansê ma rê kerd û vat: "Ewro ma derbazê baxçeyî bîyî. Ci de 11 tutî ca gênê. Waştişê ma yê seba akerdişê nê baxçeyî oyo ke dayîkî  astengîyan nêancê. Seba dayîkî xeylêk astengîyan nê wextî de ancenê, ma nê baxçeyî tarîxê 24ê Nîsane de akerd. Nê baxçeyî de bi ekonomîyêke komînal tutî yenê weykerdiş û lazimîyê înan yenê peydakerdiş."

 

'Ma tutanê dayîkê ke kar kenê ewnîyenê'

 

Velantîna da zanayîş ke ê tutê pêro dayîkê ke xebata teberî kenê baxçe de hewênenê û vat: "Ma do tenê tutê ke dayîkê înan rêxistin û sazgehan de ca gênê mîyanê xo de hewênenê. Sewbîna pêro dayîkê xebatkarî çi xebatê sazgeh û rêxistinan beno, çi yê ke karê ramitişî û rotişî de kar kenê ferq nêkeno ma mîyanê xo de hewênenê."

 

'Seba pawitişê tutan baxçe ame akerdiş'

 

Velantina da zanayîş ke rewşa Til Rifetî aram nîyo û vat: "Qezaya Til Rifetî destpêkê ke koçberê Efrînî ca girewtê, bi hêrişê hov ê dewleta tirkan rî bi rî ameyo. Xeylêk qirkerdiş serê sivîl û tutan de ame kerdiş. Bi taybetî qirkerdişê ke hetê dewleta tirkan a îşxalkere 2yê Kanûna 2019ine de pê ameyî zî vîr ra nêşino. Tutê bêguna bombavaran kerdî û netîce de 8 tutî dinyaya xo bedelnayî û heta nika zî tedayê dewleta tirkan dewam kena. Seba ke dayîkî zî ablûqayê bîyaye ke debara keyeyê xo bikerê, kar kenê seba ke tutî zî hêrişê dewleta tirkan ra bêrê pawitiş, ma baxçeyêk seba tutan akerd. Seba ke ma pawitişê înan bikerê."

 

'Ma do wayîrê tutan vejîyê'

 

Tewr peyîn Velantîna wina vat: "Seba pawitişê tutan, waştişê ma est o ke pêro dayîkê xebatkarî tutanê xo bîyarê baxçe. Eynî wextî de demê bêrê de ma do dest bi musnayîşê tutan ê ziwanê kurdkî bikerê û ma nê pêşnîyazîyê xo mamosteyan reyde pare kerd û ame tesdîqkerdiş. Heta ma ra yeno xebera ma tutan ra est a û ma ercêk giran danê înan. Madem seba tutan îmkanêk winasî ameyo dayîş, ganî ma zî wayîrê karê ke ma kenê vejîyê."